Qurlyqtyq hokkeı lıgasynyń (QHL) kezekti týr oıynyn Sankt-Pıterbýrgte ótkizgen Nur-Sultannyń «Barysy» jergilikti SKA-dan utylyp qaldy.
Birinshi kezeńniń 4 mınýtyndaǵy Ivan Morozovtyń golynan keıin SKA alǵa shyqty - 1:0. Bul esep úziliske deıin saqtaldy.
Ekinshi kezeńde kóreremender qaqpaǵa soǵylǵan bes goldyń kýási boldy. Tarqatyp aıtsaq, 23 mınýtta Kertıs Volk esepti teńestirdi – 1:1. 26 mınýtta Vasılıı Glotov jergilikti jankúıerlerdi qýantty – 2:1. 30 jáne 33 mınýttarda Nıktıta Mıhaılıs qatarynan eki shaıbany qaqpa toryna dál túsirdi – 2:3. 35 mınýtta Vasılıı Podkolzın tarazy basyn teńseltti – 3:3.
Úshinshi kezeńde aıdyn ıeleri qonaqtarǵa bas kótertpedi. SKA hokkeıshileri qaqpamyzǵa tórt gol soqsa, bizdiń jigitter bir ǵana shaıbamen jaýap bere aldy. Qorytyndy esep – 4:7.