Mańǵystaý, Túrkistan jáne Qyzylorda oblystarynda aýa raıyna qatysty dabyldy eskertý jarııalandy. Bul týraly «Qazgıdromet» RMK habarlady.
26 qańtarda Mańǵystaý oblysynyń keı jerlerinde tuman, kóktaıǵaq bolady, ońtústik-batystan jáne batystan 15-20 m/s deıin jel soǵady.
Aqtaý qalasynda 26 qańtarda kúndiz ońtústik-batystan jáne batystan jel soǵady, onyń ekpini 15-20 m/s deıin jetedi. 26 qańtarda Túrkistan oblysynyń keı jerlerinde túnde jáne tańerteń qalyń qar jaýýy múmkin.
Keı jerlerde tuman, kóktaıǵaq, burqasyn baıqalyp, ońtústik-batystan soǵatyn jel 15-20 m/s deıin kúsheıedi.
Shymkent jáne Túrkistan qalalarynda túnde jáne tańerteń tuman túsedi. Qyzylorda oblysynyń keı jerlerinde 26 qańtarda tuman, kóktaıǵaq, burqasyn kútiledi.
Ońtústikten jáne ońtústik-batystan jel soǵady, onyń ekpini kúndiz 15-20 m/s, keı jerlerde – 23 m/s deıin jetedi.