Kanadanyń Mont-Tremblan qalasynda frıstaıl-mogýldan ótken álem kýbogynyń kezeńdik saıysynda Iýlııa Galysheva kúmis medaldi moınyna ildi.
Bul jarysta qazaqstandyq sportshy 80,99 upaı jıdy. Bas júlde Fransııanyń ókili Perrın Laffontqa buıyrdy. Ol 82,14 upaıdy qorjynǵa saldy. Qola medaldi Anastasııa Smırnova ıelendi. Onyń jıǵan upaı sany – 58,54.
Erler arasynda otandastarymyzdyń arasynan eń úzdik kórsetkishke Pavel Kolmakov qol jetkizdi. 76,00 upaı jıǵan ol 11 orynǵa taban tiredi. Tájirıbeli Dmıtrıı Reıherd 71,89 upaımen 24 orynda qalyp qoıdy. Al bul jarystyń bas júldesin kanadalyq Mıkael Kıngsberı qanjyǵasyna baılady. Úıeńki japyraqtar eliniń ókili 86,80 upaıdy ıemdendi. Kumis pen óola medaldi japonııalyq Ikýma Hırosıma (86,60 upaı) men fransııalyq Benjamen Kave (83,99 upaı) enshiledi.