Úkim ózgerissiz qaldy

Joǵarǵy Sot sottalýshy V.Kozlovqa qatysty osyndaı sheshimge keldi

Keshe Astanada Joǵarǵy Sot tirkelmegen «Alǵa» oppozısııalyq partııasynyń lıderi Vladımır Kozlovqa qatysty Aqtaý qalalyq sotynyń úkimin qarap, ony eshbir ózgerissiz qaldyrdy.

Joǵarǵy Sottaǵy atalmysh qylmystyq isti aldyn ala qaraý qorytyndysynda Qylmystyq isterdi júrgizý kodeksi 464-baby 1-bóliminiń 2-tarmaǵyn bas­shy­­lyqqa alǵan sýdıalar V.Kozlovtyń qorǵaýshysy V.Sársembınanyń ótinishin qanaǵattandyrmaý týraly qaýly shyǵar­dy.

«Qorǵaýshy Sársembınanyń sottalǵan Vladımır Kozlovtyń múddesin qorǵap keltirgen ótinishi boıynsha qadaǵalaý óndi­ri­sin qozǵaýdan bas tartylsyn. О́tinish qanaǵattandyrýsyz qaldyrylsyn», – dep jarııalady sýdıa Morıak Shegenov.

Esterińizge sala keteıik, 2012 jyl­dyń 8 qazany kúni tirkelmegen «Alǵa» partııa­synyń basshysy Vladımır Kozlovty Aqtaý qalalyq soty Qyl­­mystyq kodekstiń «Áleýmettik, ult­tyq, rýlyq, násildik jáne dinı alaýyzdyqty qozdyrý», «Qazaqstan Respýblıkasynyń konstıtýsııalyq qury­lymyn kúshpen qulatýǵa nemese ózgertýge ne onyń aýmaqtyq tu­tas­tyǵyn kúshpen buzýǵa shaqyrý», «Qylmystyq top (qylmystyq uıym) qurý jáne basqarý, oǵan qatysý» dep atalatyn úsh baby boıynsha kináli dep tapqan bolatyn. Osyǵan oraı qal­a­­lyq sot V.Kozlovqa 7 jyl 6 aıǵa bas bostandyǵynan aıyrý jazasyn belgilegen edi. Endi sol jaza ózgerissiz qaldy.

Qurysh NURYMBET.