Brazılııanyń Fos-dý-Igýasý qalasynda World Boxing federasııasynyń uıymdastyrýymen ótken Álem kýboginiń kezeńdik jarysy óz máresine jetti. Fınaldyq keshki sessııada Qazaqstan quramasynyń úsh boksshysy altyn júlde úshin sharshy alańǵa shyqty, dep habarlaıdy Egemen.kz.
80 keliden joǵary salmaq dárejesinde Valerııa Aksenova Vengrııa ókili Jofııa Sırany 5:0 esebimen aıqyn basymdyqpen jeńip, chempıon atandy.
85 kelige deıingi salmaqta Sultanbek Aıbaruly brazılııalyq Kaýe Belınımen kezdesip, 4:1 esebimen jeńiske jetti.
Al 65 kelige deıingi salmaqta Aıda Ábikeeva ózbekstandyq Navbahor Hamıdovaǵa 5:0 esebimen ese jiberdi.
Bokstan Álem kýboginde el namysyn kimder qorǵaıdy?
Jarys qorytyndysy boıynsha Qazaqstan ulttyq quramasynyń qorjynynda 3 altyn, 1 kúmis jáne 3 qola medal bar. Buǵan deıin Vıktorııa Grafeeva (60 kg) altyn jeńip alsa, Alýa Balqybekova (51 kg), Jibek Jarasqyzy (80 kg) jáne Dıas Moljigitov (80 kg) qola júldeger atandy.
Tórt boksshymyz Álem kýbogi kezeńiniń altyn júldesine talasady