«Ashyq NQA» portalynda zeınetaqy jınaqtaryn Biryńǵaı jınaqtaýshy zeınetaqy qorynan (BJZQ) merziminen buryn alý úshin mınımaldy jetkiliktilik shekterin kóterýdi kózdeıtin Úkimet qaýlysynyń jobasy boıynsha qoǵamdyq talqylaý aıaqtaldy, dep habarlaıdy Egemen.kz.
Jobaǵa qatysýshylar barlyǵy 40-tan astam pikir qaldyryp, eshqaısy qoldaý bildirmegen. 22 paıdalanýshy qarsy daýys bergen.
Mınıstr: Zeınetaqy shegine qatysty ózgerister aldaǵy aıda bekitilýi múmkin
Talqylaýǵa qatysýshylar qujatta shekterdi esepteý ádistemesi men naqty ózgerister tolyq kórsetilmegenin aıtyp, bul qoǵamda ashyqtyqqa qatysty suraq týǵyzǵanyn atap ótti. Keı azamattar zeınetaqy júıesindegi tabystylyq ınflıasııadan tómen ekenin, al ózgerister salymshylarǵa qosymsha aýyrtpalyq túsiretinin aıtty. Sondaı-aq erejelerdiń kúrt ózgerýi halyqtyń senimine keri áser etýi múmkin degen pikirler aıtyldy.
Zeınetaqy jınaqtaryn basqarýshy kompanııalarǵa qatań talaptar qoıyldy
Alaıda Eńbek jáne halyqty áleýmettik qorǵaý mınıstrligi bul ózgerister uzaq merzimdi perspektıvada zeınetaqy júıesiniń turaqtylyǵyn qamtamasyz etý úshin qajet ekenin málimdedi.
Resmı derekke sáıkes, sońǵy bes jylda halyq BJZQ-dan shamamen 5 trln teńge kóleminde qarajatty merziminen buryn alǵan. Onyń ishinde 20-35 jas aralyǵyndaǵy azamattardyń úlesi shamamen 1 trln teńgeni quraıdy.