AQSh-tyń Vashıngton qalasynda jýrnalısterge arnalǵan qabyldaý keshinde qarýly shabýyl jasaǵan kúdiktige qatysty qylmystyq is qozǵaldy. CNN dereginshe, oǵan birneshe bap boıynsha aıyp taǵylyp otyr, dep habarlaıdy Egemen.kz.
Kolýmbııa okrýginiń prokýrory Janın Pırronyń málimetinshe, 31 jastaǵy Los-Andjeles turǵyny Koýl Tomas Allenge atys qarýyn zańsyz qoldanýdyń eki epızody jáne federaldy ofıserge shabýyl jasaý baby boıynsha aıyp taǵylǵan. Tergeý tarapy onyń áreketi ádeıi jáne barynsha zııan keltirýge baǵyttalǵanyn atap ótti.
Zelenskıı: Tramp faktory Ýkraınaǵa tolyq qaýipsizdik kepili bola almaıdy
Kúdikti Washington Hilton qonaqúıindegi kúzet beketinen ótip, sholaq myltyq, tapansha jáne birneshe pyshaqpen qarýlanǵan kúıde ishke kirgen. Tergeý derekterine sáıkes, qoldanylǵan qarýlar 2023 jáne 2025 jyldary zańdy túrde satyp alynǵan. Quqyq qorǵaý organdary onyń jalǵyz áreket etkeni týraly nusqany qarastyryp otyr.
Aıta keteıik, ótken senbi kúni Vashıngtonda ótken jýrnalısterge arnalǵan kesh barysynda atys daýysy estilgen bolatyn. Oqıǵaǵa baılanysty kúdikti sol sátte ustaldy.
Sot prosesi 27 sáýir, dúısenbi kúni ótedi.