Parlament Senatynyń depýtattary Serik Aqylbaı men Iýrıı Kýbaıchýk Qaraǵandy qalasynyń birqatar mekemelerinde bolyp, jumys oryndarynyń ujymdarymen kezdesýler ótkizdi.
Senatorlar medısınalyq maqsattaǵy ónimderdi, dárilerdi saqtaýǵa qyzmet etetin Ortalyq Qazaqstandaǵy eń iri kásibılengen logıstıkalyq keshen bolyp tabylatyn «Rıger» JShS jumysymen tanysty. Keshen GMP halyqaralyq sapa medısınalyq standartyna laıyqtalǵan mamandandyrylǵan qyzmet kórsetýge negizdelgen jańa quraldarmen jabdyqtalǵan. Mekeme «Bıznes-2020 jol kartasy» baǵdarlamasy sheńberinde dúnıege kelgen.
Depýtattar mekeme basshylyǵymen jáne qyzmetkerlerimen kezdesýi barysynda dári óndirisi salasyn damytýdyń ózekti máseleleri, dári-dármekti talapqa saı jetkizý prosesin jetildirý, mekemeni odan ári de tehnıkalyq jabdyqtaý jáne onyń ishinde Údemeli ındýstrııalyq-ınnovasııalyq damý baǵdarlamasyn negizge ala otyryp damytý sııaqty máseleler talqylandy.
Senatorlar, sondaı-aq túrkııalyq «Borýsan» holdıngine kiretin «Borýsan Makına Qazaqstan» kompanııasynda da boldy. Mekeme qazaqstandyq naryqta «Caterpillar» fırmasynyń qural-jabdyqtary men tehnıkasyn ákeledi jáne olarǵa servıstik qyzmet kórsetýdi qamtamasyz etedi.
Qaraǵandy.
***
Jýyrda senator Jabal Erǵalıev Aqmola oblysynyń Shortandy aýdanynda elimizde ashyq aspan astyndaǵy egistik alqabynda tuńǵysh ret ótkizilgen «Qazaqstan egin alqaby: «Jańa dala-2013» mamandandyrylǵan kórmeniń ashylý saltanatyna qatysty.
Aýyl sharýashylyǵy tehnıkasy men mıneraldy tyńaıtqyshtar men ósimdik zııankesterine qarsy qoldanylatyn túrli hımııalyq dáriler shyǵaratyn álemniń eń úzdik óndirisshileri qazir Qazaqstan rynogyn ıgerýge yntaly bolyp otyr. Sonyń bir aıǵaǵyndaı, osy kórmege qoıylǵan tehnıkalardyń birazy qazir aýyl sharýashylyǵy óndirisinde paıdalanylyp ta júr.
– Elbasy Nursultan Nazarbaevtyń aýyl sharýashylyǵyn damytýǵa jáne aýyl sharýashylyǵy ónimderin óńdeýge zor qamqorlyq jasaýynyń nátıjesinde Qazaqstannyń agrarlyq salasy sapalyq jaǵynan úlken ózgeristerge ushyrady. Aýyl sharýashylyǵyna jańa tehnıka men jańa tehnologııa kelip te jatyr. Memleket tarapynan agrarlyq salaǵa jyl saıyn ınvestısııalyq úlken qoldaý kórsetilip keledi. Buryn kórmegen mynadaı jańa da ǵajaıyp tehnıka aýyldarymyzdaǵy adamdardyń qolyna tıer bolsa, olardyń óz isterine degen yntasy arta túseri sózsiz, – dedi senator.
Aqmola oblysy
***
Parlament Senatynyń depýtaty Ǵarıfolla Esim Semeıde qala mektebi janyndaǵy lagerler jumysymen tanysty. «Radýga» balalar lageriniń ómirin kózimen kórip, ujymmen kezdesip, balalarmen suhbattasqan senator jazǵy demalysty jaıly uıymdastyrǵan jergilikti bıliktiń jumysyna rızashylyǵyn bildirdi.
«Memleketimiz balalarǵa, ásirese, áleýmettik qoldaýǵa zárý jetkinshekterge jan-jaqty qamqorlyq jasap otyr. Elimiz Táýelsizdigin alyp, ekonomıkasy damyp, baqýattanǵan soń qala mańyndaǵy lagerlerdi qaıta jandandyrdy. О́rkenıetke umtylǵan, bilim men eńbekke talpynǵan búgingi talantty da talapty balalar – bizdiń bolashaǵymyz», dedi senator.
Sondaı-aq, Ǵarıfolla Esim «Balalar lagerlerde tek demalyp qana qoımaıdy, olar ózgege qol ushyn bere alatyn baýyrmaldyqqa, kópshildikke jáne qaısarlyqqa úırenedi, elge, jerge, Otanǵa degen patrıottyq sezimi jetile túsedi», dep atap ótti.
Semeı.