Bıyl 9 qańtarda Qyzylorda qalasynyń irgesindegi J.Mahambetov aýylynyń turǵyndary polısııa bólimine belgisiz bireýlerdiń zırattyń temir qorshaýlary men qaqpasyn urlap ketkendigi týraly aryzdanǵan bolatyn.
Qyzylorda qalalyq Polısııa basqarmasy qyzmetkerleri jedel áreket etip, osy urlyqqa qatysy bar degen 2 kúdiktini ustady. Teksere kelgende olardyń urlanǵan zattardy metall qabyldaý pýnktine ótkizgeni belgili boldy. Kúdikke ilingen ekeýdiń qalada jasalǵan taǵy osyndaı 2 qylmysqa qatysy bar ekendigi de anyqtaldy.
Oblystyq Polısııa departamenti baspasóz qyzmetiniń habarlaýynsha, qazir kúdiktiler Ýaqytsha ustaý abaqtysyna qamaýǵa alynyp, Qazaqstan Respýblıkasynyń Qylmystyq kodeksiniń 188-baby boıynsha sotqa deıingi tergep-tekserý amaldary júrgizilýde.