Kezdesý barysynda Nursultan Nazarbaevqa elimizdiń sot júıesin reformalaý jáne Ult josparyndaǵy sot kadrlaryn irikteý jáne daıyndaý boıynsha sharalardy júzege asyrý jóninde aqparat berildi. Bul týraly Elbasynyń baspasóz qyzmeti habarlady.
– Joǵarǵy Sot Keńesi sot mamandaryn irikteýdi iske asyrady. Bul jumys obektıvti bolýy kerek. Sýdıalar naqty konkýrsqa sáıkes irikteýden ótýge tıis. Olar bilimdi, adal bolýy, adamdarmen jumys isteı bilýi qajet, - dedi Elbasy.
О́z kezeginde Talǵat Donaqov sýdıalardy irikteýde ashyqtyqty qamtamasyz etý úshin qabyldanǵan sharalar týraly aıtyp berdi.
– Jaǵdaı ózgerip jatyr. Sýdıalarǵa degen senim artyp keledi. Jumys barynsha obektıvti jáne ashyq júrgizilýde. Arnaıy konkýrstyq komıssııa quryldy. Oǵan sýdıalarmen birge zań qaýymdastyǵy ókilderi, HR-mamandar, táýelsiz sarapshylar kirdi. Qazirgi tańda sottarǵa baratyn kadrlardyń daıyndyǵy joǵary, jaýapkershili mol, - dedi Joǵarǵy Sot Keńesiniń tóraǵasy.