Qysqy kezeń jaǵdaıyndaǵy jedel ahýal týraly brıfıng ótti. Onda Ishki ister mınıstriniń orynbasary Iý.Ilın tótenshe jaǵdaılarǵa baılanysty atqarylyp jatqan jumystar týraly baıandady.
Ishki ister mınıstri orynbasarynyń sózine qaraǵanda, aýa raıynyń nasharlaýyna baılanysty avtojoldar 418 ret jabylyp, joldyń 44 ýchaskesinde kólik júrisine shekteý qoıylǵan. Bir sózben aıtqanda, barlyq ýchaskege blok-beketter ornatylǵan. Sonyń ózinde qar qursaýynda 2933 tehnıka qalǵan. Olardyń bári der kezinde shyǵarylyp, jylytý pýnktterine 1483 adam, sonyń ishinde 128 bala ornalastyrylǵan. (Nur-Sultan – 58, Aqmola – 928, Aqtóbe – 53, Qaraǵandy – 249, Pavlodar – 195).
Osylaısha avarııalyq-qutqarý jumystary men joldardy tazalaý táýlik boıy júrgizilýde. TJ komıtetinde jáne TJ boıynsha 10 óńirlik departamentte (Aqmola, ShQO, Jambyl, BQO, Qaraǵandy, Qostanaı, Pavlodar, SQO, Túrkistan, Nur-Sultan q.) jedel shtabtar qurylǵan. Soǵan saı «Qaýyrt jeli» jumysy uıymdastyrylyp, oǵan 454 qońyraý túsken. Sóıtip osyndaı qaýyrt jumystardyń nátıjesinde atalǵan kezeń ishinde barlyǵy 3377 adam, sonyń ishinde 335 bala qar qursaýynan qutqarylyp, 3677 adam, sonyń ishinde 265 bala qaýipsiz jerge ornalastyryldy. 2933 túrli tehnıka qardan arshyldy.