Abaı atyndaǵy QazUPÝ-da ýnıversıtettiń 2018-2025 jyldarǵa arnalǵan «Strategııalyq damý josparyn» júzege asyrý boıynsha semınar-trenıngter ótip, ony kásibı menedjer, menedjment boıynsha zertteýshi jáne bıznes keńesshi Ozat Baıserkeev júrgizdi.
Semınar-trenıng barysynda Strategııalyq damý josparynyń basym baǵyttary men mehanızmderi taldandy. Is-sharaǵa qatysqan ýnıversıtet rektory Takır Balyqbaev, prorektorlar, qurylymdyq bólim basshylary, qyzmetkerler men professor-oqytýshylar quramy Strategııalyq damý jospary boıynsha óz pikirlerimen bólisti.
Strategııalyq damý josparynyń negizgi mindetteriniń biri - basqarýdyń jańa úlgisine kóshý - Beıindi kóshbasshylyq (BK) jáne Kóldeneń sıkldyq uıymdyq qurylymdy engizý (KSUQ). Beıindi kóshbasshylyq baǵyty boıynsha oqý orny naryqtyq jáne salalyq damý jolynda ujym pikirimen sanasa otyryp, únemi alǵa qaraı umtylýy qajet. Onyń barysynda salany damytý, basqarý, problemalardy anyqtaý jáne olardy sheshý joldaryn izdestirý máselesi, qyzmetkerler men bólimshelerdiń áleýetin barynsha arttyrý, barlyq quramdy proseske jumyldyrý arqyly júzege asyrylady.
Kóldeneń sıkldyq uıymdyq qurylym – kompanııany uıymdastyrýdyń jańa tásili, oǵan qarap oqý ornynyń qalaı uıymdastyrylǵanyn anyq kórýge bolady. Basqarýdyń jańa úlgisin engizýdiń sońǵy nátıjesi bıýrokratııany joıý, basqarý isine shyn máninde bólimder men olardyń qyzmetkerlerin tartýmen aıqyndalady.
Eń ozyq ádister men baǵdarlamalarǵa súıene otyryp, HHI ǵasyrdyń pedagogyn daıyndaýdy maqsat etetin ýnıversıtet stýdentterdiń qajettilikterin boljaı otyryp, múmkindikterin ashýǵa yqpal etýmen qatar búgingi qoǵamǵa beıim mamandar daıarlaıdy.
ALMATY