Prezıdent Qasym-Jomart Toqaev «Qazatomónerkásip» UAK» AQ basqarma tóraǵasy Ǵalymjan Pirmatovty qabyldady, dep habarlady Prezıdenttiń baspasóz qyzmeti.
Kezdesý kezinde Ǵalymjan Pirmatov Memleket basshysyna ýran óndirýshi kompanııanyń 2019 jylǵy jumysynyń negizgi qorytyndylary jáne ony damytýǵa arnalǵan aldaǵy josparlary týraly baıandady.
«Qazatomónerkásip» UAK» aksıonerlik qoǵamynyń basqarma tóraǵasy ujymdyq basqarý, eńbekti jáne qorshaǵan ortany qorǵaý máseleleri kompanııa jumysynyń basym baǵyty ekenin atap ótti.
Sonymen qatar Qasym-Jomart Toqaevqa kompanııa óziniń óndiristik jáne qarjylyq maqsattaryn tabysty júzege asyrýynyń arqasynda álemde ýran satý boıynsha qatarynan ekinshi jyl kóshbasshylyq ornyn saqtap qalǵany jaıynda málimet berildi.