Sharadan túsken qarajat mýkovıssıdoz dertine shaldyqqan balalarǵa jumsalady. Ábilhan Qasteev atyndaǵy óner mýzeıinde uıymdastyrylǵan kórmege 65 avtorlyq qýyrshaq qoıylǵan. Satylymdaǵy týyndylardy elimizdiń ár túkpirinen jınalǵan sheberler túrli tehnıkamen ázirlegen, dep habarlady Almaty.tv tilshisi.
Onyń arasynda kóptegen halyqaralyq jarystardyń jeńimpazdary da bar. Aýyr keselge shaldyqqandarǵa qolǵabys etkisi kelgen sheberlerdiń eń kishisi 15 jasta. Ol da qaıyrymdylyq sharadan qur qalmaı naýqastarǵa sep bolýdy oılaıdy.
«Aýrý aıtyp kelmeıdi. Máselen, mýkovıssıdoz derti – tuqym qýalaıtyn aýyr kesel. Qazir Qazaqstanda osyndaı dıagnoz qoıylǵan 104 adam bar. Osy jobamyzdy biz úshinshi jyl qatarynan ótkizip kelemiz. Jyl saıyn qaıyrymdylyq kórmeden túsken qarjyny dertke shaldyqqandarǵa jiberemiz. Halyqtan sharaǵa qatysyp, balalarǵa járdemdesýin suraımyz. Munda kelýshiler qýyrshaqtyń san túrin taba alady. Bizde toqylǵan, qyshtan, matadan jáne bıserden jasalǵan túrleri bar» dedi «Qýyrshaq ǵalamy ortalyǵy» birlestiginiń jetekshisi Larısa Sologýb.
Uıymdastyrýshylardyń aıtýynsha, qýyrshaq satyp alyp, qos janǵa qýanysh syılaýǵa bolady. Iаǵnı, bireýge syılyqty tartý etip qýantsańyz, basqasyna qarjylaı qoldaý kórsetesiz. О́z kezeginde, sheberler ózderi jasaǵan týyndylardyń sapasy óte jaqsy dep otyr. О́ıtkeni árbir qolóner buıymy balalar jazylyp ketsin degen ıgi nıetpen jasalǵan.