«Digital Almaty: jahandyq ekonomıkanyń sıfrlyq bolashaǵy» halyqaralyq forýmynyń plenarlyq otyrysynda Qazaqstan Respýblıkasy Premer-mınıstri A.Mamın aımaqta turaqty damýdy qamtamasyz etýde jasandy ıntellektiń róli artyp otyrǵandyǵyn jetkizdi.
Osy baǵytta Qazaqstanda Jasandy ıntellekt boıynsha Ulttyq klaster qurý josparlanyp otyr. Qazirgi kezde barlyq memlekettik organdar men kompanııalarda jasandy ıntellekti qoldaný birte-birte júzege asa bastaǵan. 2030 jylǵa deıin jasandy ıntellekti paıdalaný tıimdiligi ekonomıka salalarynda 5 trln AQSh dolaryn quraıtyn bolady.
Búginde saýda, kólik, logıstıka, taý-ken óndirisi salalarynda aıtarlyqtaı jetistikter baıqalady. Boljam boıynsha, jasandy ıntellekti paıdalanýdyń jalpy ekonomıkalyq tıimdiligi jylyna 25 mlrd dollardy quraýy múmkin.
Ásirese, qyzmet kórsetý salasy jylyna 15 mlrd dollar, taý-ken óndirisi jylyna 9 mlrd dollardy quraıtyn bolady. Qazirgi kezde Nazarbaev ýnıversıtetinde jasandy ıntellekti damytý baǵytynda jumystar jolǵa qoıylýda. Osydan eki jyl buryn halyqaralyq Astana Hub tehnoparki qurylsa, ótken jyly qyrkúıek aıynda ınnovasııalyq IT ýnıversıteti ashyldy.