Keshendi jospar aıasynda Jańaózen qalasynyń muqtaj azamattaryn Aqtaý qalasyna kóshirý maqsatynda respýblıkalyq bıýdjetten 2,9 mlrd teńge jáne «О́zenmunaıgaz» AQ-nan 1,0 mlrd teńge bólinip, 394 otbasy (1500 adam) baspanamen qamtamasyz etiletin bolady.
Qazirgi tańda 338 páter satyp alynyp, kóshýge nıet bildirgen turǵyndar komıssııa sheshiminiń oń qorytyndylaryn aldy, kelisim-shartqa otyrý jumystary jalǵasýda. Sonyń ishinde 70 otbasy páterlerin aldy.
Al abattanydyrý jáne kógaldandyrý máselesi boıynsha Qyzylsaı aýylynda «Burǵyshy» músini ornalasqan alleıa, Tenge aýylynan «Anaǵa taǵzym» alleıasy boı kóterdi. Demeýshiler qatarynda «О́zenmunaıgaz» AQ-nyń qyzmetkerleri Aıtqalı Bashenov pen Bekbolat Nurlybaev bar.
Budan basqa «О́zenmunaıgaz» AQ-nyń 55 jyldyǵyna oraı Teńge aýylynan shaǵyn fýtbol alańshalary salyndy, temir konstrýksııasy bar 3 stella boı kóterdi, 5 bılbord ornatyldy, Jańaózen-Kendirli baǵytyndaǵy respýblıkalyq mańyzy bar jol boıyndaǵy stella qurylysy aıaqtaldy.
Mańǵystaý oblysy