Jeksenbide elimizde tuman túsedi, kóktaıǵaq bolady, jaýyn jaýyp, arty qarǵa aınalady, qatty jel turýy múmkin dep habarlaıdy Qazgıdromet.
«9 aqpanda Qazaqstan aýmaǵynyń basym bóligi sıklon yqpalynda bolady, soǵan baılanysty jaýyn-shashyn (qar, jańbyr) kútiledi, ońtústik aýdandarda kún kúrkireıdi. Tek respýblıkanyń batysynda jáne ońtústik-shyǵysynda jaýyn-shashynsyz aýa raıy saqtalady. Respýblıka boıynsha keı jerlerde tuman, kóktaıǵaq, jeldiń kúsheıýi saqtalady, soltústikte burqasyn soǵady» delingen boljamda.
Aqmola oblysynyń keı jerlerinde tuman, kóktaıǵaq, burqasyn kútiledi, jel 15-23 m/s kúsheıedi.
Soltústik Qazaqstan, Aqtóbe, Batys Qazaqstan oblystarynyń keı jerlerinde tuman, Aqtóbe oblysynyń keı jerlerinde kóktaıǵaq kútiledi.
Qyzylorda, Mańǵystaý, Pavlodar, Qaraǵandy, Shyǵys Qazaqstan oblystarynyń keı jerlerinde tuman, kóktaıǵaq kútiledi, jel 15-23, Shyǵys Qazaqstan oblysynda ekpini 23-28 m/s kúsheıedi.
Qostanaı oblysynyń keı jerlerinde tuman, kóktaıǵaq, kúndiz jel 18 m/s jetedi, burqasyn soǵady.
Almaty, Atyraý oblystarynyń keı jerlerinde jel 15-20 m/s, Almaty oblysynyń Jalańashkól aýdanynda ekpini 25 m/s jetedi.
Jambyl oblysynyń keı jerlerinde tuman kútiledi, jel 15-20, ekpini 23-28 m/s, ońtústik-batysynda 30 m/s jetedi, odan da asyp ketýi múmkin.
Túrkistan oblysynda jel kúsheıedi, túnde keı jerlerde 15-20 m/s, kúndiz 15-20, keı jerlerinde 23-28, taý bókterlerinde 30 m/s jáne odan da qatty soǵýy múmkin.