Mańǵystaý oblystyq sotynda ótken keńeıtilgen keńes jumysynda 2019 jyly atqarylǵan sottardyń jumysy talqylandy. Bul týraly Mańǵystaý oblystyq sotynyń baspasóz qyzmeti habarlady.
Keńes jumysyna Mańǵystaý oblystyq sotynyń tóraǵasy Erjan Daýlıev bastaǵan sýdıalar korpýsy qatysty.
Is-shara barysynda óńirdegi sot tóreligin sapaly atqarý, zańdylyqty saqtaý, sottardyń jumysyn odan ári jetildirý máseleleri boıynsha alqa tóraǵalary, aryz-shaǵymdar boıynsha jáne sot ádebi jónindegi komıssııalardyń tóraǵalary, Sottar ákimshisiniń basshysy, sondaı-aq aýdandyq jáne oǵan teńestirilgen sottardyń tóraǵalary baıandama jasady.
Keńeste sóz alǵan Erjan Daýlıev «Qazaqstan Respýblıkasynyń keıbir zańnamalyq aktilerine qylmystyq, qylmystyq-prosestik zańnamany jetildirý jáne jeke adam quqyqtarynyń qorǵalýyn kúsheıtý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıylyp, «Joǵarǵy Sotymen «Qazaqstan Respýblıkasynyń Azamattyq prosestik kodeksine sottar jumysynyń zamanaýı formattaryn endirý, artyq sot rásimderi men shyǵyndaryn qysqartý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy ázirlengenin atap ótti. Osy zańnyń jobasyn talqylaýdy, halyqqa túsindirýdi tapsyrdy.
Sondaı-aq Erjan Daýlıev jergilikti sottardyń jumysyndaǵy kemshilikterdiń aldyn alyp, sebepterine taldaý jasaý, zańdylyqtardaǵy jańashyldyqtardy barynsha qoldanýdy qamtamasyz etýdi tapsyrdy.