«Meloman» «Grand» kitap saýda úıinde bıylǵy «Altyn qalam» júldesi tabys etildi.
«Altyn qalamdy» tabystaý rásiminde sóz sóılegen uıymdastyrýshylardyń biri Kenje Jumanuly atalǵan syılyq búgingi zaman ádebıetin damytýǵa eleýli úles qosqan qalamgerlerge beriletindigin jetkizdi. Ári úzdikterge arnalǵan músindi «Eldanı» qaıyrymdylyq qorynyń sándik-qoldanbaly sheberhanasynda múmkindigi shekteýli jandardyń daıyndaǵanyna kópshiliktiń nazaryn aýdardy. Jeńimpazdarǵa syılyq retinde tańdap alynǵan músinde bilim men kúsh-qýattyń sımvoly retinde kitapty basynan joǵary kótergen áıel beınelengen.
Jeńimpazdar Álemdik ekonomıka jáne saıasat ınstıtýtynyń áleýmettanýshysy Aıman Júsipova jetekshilik etken áleýmettik zertteýdiń qorytyndysy boıynsha anyqtalǵan. Zertteýge ádebıet, ǵylym, bıznes salasyndaǵy bedeldi 70-den astam sarapshy qatysyp, qazaqstandyq ádebıettiń damý barysy men búgingi kitap naryǵynyń jaǵdaıyna baılanysty jeke pikirlerin bildirdi. Jeńimpazdar qatarynda: Jyldyń úzdik baspasy - Dosym Satpaev; Jyldyń ádebı debıýti - Erjan Rashev. «Chelovek na balkone. Dnevnık almatınskogo lazýra»; Kitap like (oqyrmandar tańdaýy) - «Chernaıa zvezda». Avtory Iýrıı Serebrıanskıı, Baqytjan Momyshuly; Áleýmettik mánge ıe taqyrypqa arnalǵan úzdik shyǵarma - «Jıvaıa pamıat. Stalınızm v Kazahstane – Proshloe. Pamıat. Preodolenıe». Kollektıvnaıa monografııa; Jyldyń úzdik mesenaty (Ádebıetke kórsetken qoldaýy úshin) – Dosym Satpaev. Sharanyń ótýine «ZHERSU» ınvestısııalyq-óndiristik korporasııasy, «Qazaqstan baspasóz klýby», Qazaqstan Medıa Akademııasy men birneshe BAQ qoldaý kórsetken.
Marapattaý sharasynda qatysýshylar qazirgi zamanǵy ádebıet ómirimizdiń, turmys-tirshiligimizdiń aınasy ekenine toqtalyp, kitap oqý mádenıetine qatysty óz pikirlerin bildirdi.