Granadada (Ispanııa) ústel tennısinen ITTF Challenge Spanish Open kezeńi aıasyndaǵy iri halyqaralyq jarysta Kırıll Gerasımenko jeńimpaz atandy, dep habarlady UOK baspasóz qyzmeti.
Atalǵan jarystyń fınalynda otandasymyz germanııalyq Benedıkt Dýdomen sheberlik baıqasty. Tartysty ótken sheshýshi oıyn 7 aınalymǵa sozyldy. Altynshy kezeńde esep 3:3 bolyp turdy. Sońǵy aınalymda Gerasımenko qatelikke boı aldyrmaı, nátıjeli shabýylyn údetti. Nátıjesinde, sońǵy aınalym 11:7 esebimen Gerasımenkonyń enshisine sheshildi. Osylaısha, fınaldyq kezeń 4:3 esebimen aıaqtalyp, otandasymyz jeńimpaz atandy. Jarys barysynda qandasymyz barlyǵy 6 kezdesý ótkizip, qarsylas shaq keltirmedi.