Keshe elimizdiń Bıatlon sporty odaǵynyń prezıdenti Ermek Qızatovtyń jetekshiligimen odaqtyń tártiptik komıssııasynyń kezekten tys jıyny ótip, komıssııa músheleri álem chempıonaty qarsańynda Aýstrııada ótip jatqan oqý-jattyǵý jıynynda sporttyq rejim men tártipti buzǵan tórt sportshyny quramadan shettetti.
Ulttyq Olımpıadalyq komıtetiniń habarlaýynsha, tártipsizdigine baılanysty Anton Pantov tórt jylǵa, Tımýr Kýs, Vladıslav Vıtenko jáne Roman Eremın bir jylǵa sporttan alastatyldy. Olar endi bıatlonnan ótetin respýblıkalyq jáne halyqaralyq jarystarǵa qatysa almaıdy. Qazirgi ýaqytta sportshylardyń barlyǵy jattyǵý jıynynan elge qaıtarylǵan. Sheshimdi qabyldaýǵa bıatlonnan ulttyq quramanyń bas bapkeri Maqsat Sharanovtyń raporty jáne sportshylar men bapkerlerdiń túsiniktemesi sebep boldy. Sondaı-aq Obertıllah qalasyndaǵy oqý-jattyǵý jıyny kezinde komanda músheleri turaqtaǵan aýstrııalyq qonaqúıdiń aryz-shaǵymy da nazardan tys qalmaǵan.