«Qazaqstan» telearnasyndaǵy «Ashyq alań» baǵdarlamasynyń tikeleı efırinde Bilim jáne ǵylym mınıstri Ashat Aımaǵambetov pedagog mártebesine qatysty arnaıy zań kúshine engenimen, muǵalimderdiń mártebesin bir ǵana zańmen kóterý múmkin emes ekenin aıtty.
«Pedagog mártebesi tek zańmen ózgermeıdi. Bul muǵalimderdiń ózine, óziniń biliktiligi men jeke qasıetterine baılanysty jáne qoǵamǵa baılanysty. «Pedagog mártebesi týraly» zań eń aldymen balalarǵa arnalǵan. Jasyratyny joq, muǵalimder bizde zal toltyrady. Qujat jınaý kerek bolsa, muǵalimderdi jiberedi. Muǵalimder bizden aýla aralaıyq pa, álde balalarǵa bilim bereıik pe dep surap jatty. Esepter, qaǵazbastylyq, osynyń barlyǵy zań qabyldanar aldynda bolǵan másele», - dedi mınıstr.
Onyń aıtýynsha, muǵalimdi qyzmetten tys jumysqa tartqan adamdarǵa jaza qoldanylady.
«Basynda eskertý jasalady. Odan keıin 20 AEK tıisti aıyppuldar bar», - dedi ol.