Ońtústik Koreıada zaýyttaǵy órtten keıin Qazaqstan azamaty joǵalyp ketken edi. Úzdiksiz izdeý jumystarynyń nátıjesinde otandasymyzdyń súıegi tabyldy. Bul týraly Syrtqy ister mınıstrliginiń resmı ókili Erlan Jetibaev aıtty, dep jazady Egemen.kz.
Resmı málimetke sáıkes, marqumnyń súıegi arnaıy saraptamaǵa joldanǵan. Erlan Jetibaevtyń aıtýynsha, ázirge saraptama nátıjesi daıyn emes.
«Qazir saraptama qorytyndysy alynǵan joq. Koreıa tarapy aqparat bergen boıda marqumnyń týystaryna habarlanady», dedi mınıstrlik ókili.
Eske salaıyq, 30 qańtarda Ońtústik Koreıa Respýblıkasynyń Mendon-mıon qalasynda azyq-túlik pen sýsyn óndiretin kásiporynda órt shyqqan edi. Oqıǵadan keıin 81 qyzmetker evakýasııalanǵan, alaıda eki jumysshynyń, onyń ishinde Qazaqstannyń bir azamaty iz-túzsiz joǵalǵan bolatyn.
IIM azamattarǵa úndeý jasady: Shetelde jumys isteımin dep san soǵyp qalmańyz