Iran Ormuz buǵazyna teńiz mınalaryn ornata bastaǵan. Bul týraly amerıkalyq barlaý derekterine súıengen CBS News pen CNN habarlady. Aqparatqa sáıkes, Tegeran buǵazda ondaǵan mına ornalastyryp úlgergen jáne taǵy júzdegenin qoıýy múmkin, dep habarlaıdy Egemen.kz.
Buǵan deıin Irannyń Islam revolıýsııasy saqshylary korpýsy buǵaz arqyly ótetin kez kelgen kemege soqqy beretinin eskertken. Qaqtyǵys bastalǵaly beri bul baǵyttaǵy teńiz qozǵalysy is júzinde toqtap qalǵan.
Munaı men gaz jetkizilimindegi irkilisterdiń saldarynan álemdik naryqta energııa resýrstarynyń baǵasy óse bastady.
Iran Birikken Arab Ámirlikterine soqqy jasady: 6 adam qaza tapty
Atalǵan jaǵdaıǵa AQSh prezıdenti Donald Tramp nazar aýdardy. Ol Irannan buǵazdaǵy mınalardy shuǵyl túrde zalalsyzdandyrýdy talap etti.
Truth Social áleýmettik jelisinde jarııalanǵan málimdemesinde Tramp:
«Eger Iran Ormuz buǵazyna qandaı da bir mına ornatqan bolsa, biz olardy dereý zalalsyzdandyrýdy talap etemiz. Eger mınalar joıylmasa, Iran úshin áskerı saldary buryn-sońdy bolmaǵan deńgeıde bolady», dep jazdy.
Ormuz buǵazy – álemdik energetıkadaǵy eń mańyzdy teńiz joldarynyń biri. Kún saıyn bul jer arqyly shamamen 20 mln barrel munaı tasymaldanady, bul – teńiz arqyly jetkiziletin munaıdyń tórtten biri.
Sonymen qatar buǵaz arqyly suıytylǵan tabıǵı gazdyń shamamen 35%-y ótedi jáne Parsy shyǵanaǵyndaǵy elderdiń munaı eksportynyń basym bóligi osy baǵytqa táýeldi.
«Bir lıtr de munaı shyqpaıdy»: Iran Ormuz buǵazyn tolyq baqylaýǵa aldy
CNN málimetinshe, qazir Parsy shyǵanaǵynda táýligine shamamen 15 mln barrel munaı jáne 4,5 mln barrel munaı ónimderi jetkizilmeı turyp qalǵan. Al Irak pen Kýveıt sııaqty iri óndirýshilerde eksportqa arnalǵan balama baǵyttar joq.
Sonymen qatar sońǵy 11 kúndegi zymyran shabýyldary kezinde Izraıl aýmaǵynda 12 adam qaza taýyp, shamamen 200 adam jaralanǵan. Bul týraly TASS áskerı derekkózge silteme jasap habarlady.
Al Reuters agenttiginiń málimetinshe, qaqtyǵys barysynda 150-ge jýyq amerıkalyq áskerı qyzmetker jaralanǵan.
Izraıl áskeri Tegeranda Iran áýe kúshteriniń shtabyna soqqy jasady
О́z kezeginde Iran 1300 beıbit turǵynnyń qaza tapqanyn jáne myńdaǵan nysannyń qıraǵanyn málimdedi. Sondaı-aq Tegeran Izraıl áýe soqqysy kezinde Beırýt qalasyndaǵy qonaqúıde tórt ıran dıplomatynyń qaza tapqanyn aıyptap otyr.