Qazaqstan aýmaǵynyń basym bóliginde atmosferalyq fronttardyń áserinen aýa raıy qubylmaly bolady. Bul týraly «Qazgıdromet» málimdedi, dep habarlaıdy Egemen.kz.
Sınoptıkterdiń boljamynsha, eldiń kóptegen óńirinde jańbyr men qar aralas jaýyn-shashyn túsedi. Soltústik-shyǵys pen ortalyq aımaqtarda qalyń qar jaýsa, al ońtústik jáne ońtústik-shyǵysta keı ýaqyttary qatty jaýyn-shashyn (jańbyr, qar) kútiledi. Respýblıka boıynsha jel kúsheıip, kóktaıǵaq, tuman bolady. Soltústik óńirlerde boran soǵýy yqtımal.
Sonymen qatar eldiń kóp bóliginde aýa temperatýrasynyń kóterilýi boljanyp otyr.
Batys óńirlerde túnde aýa temperatýrasy -15…-28 gradýstan -6…+2 gradýsqa deıin, kúndiz -2…-13 gradýstan 0…+10 gradýsqa deıin kóteriledi.
Ońtústik-batysta túnde -8…-16 gradýstan -6…+2 gradýsqa, kúndiz -8…0 gradýstan +5…+13 gradýsqa deıin jylynady.
Soltústik-batysta túnde -22…-33 gradýstan -2…-10 gradýsqa, kúndiz -15…-20 gradýstan -2…+3 gradýsqa deıin kóteriledi.
Soltústik aımaqtarda túnde -15…-33 gradýstan -10…-23 gradýsqa, kúndiz -15…-25 gradýstan 0…-7 gradýsqa deıin ózgeredi.
Ortalyq óńirlerde túngi temperatýra aldymen -2…-15 gradýstan -15…-30 gradýsqa deıin tómendep, keıin 12 naýryzda -10…-21 gradýsqa deıin joǵarylaıdy. Kúndiz de bastapqyda -2…-15 gradýstan -10…-20 gradýsqa deıin tómendep, 12 naýryzda 0…-10 gradýsqa deıin kóteriledi.
Shyǵysta túnde 0…-8 gradýstan -15…-30 gradýsqa deıin sýytady, al kúndiz -2…+3 gradýstan -3…-18 gradýsqa deıin tómendeıdi.
Elimizde qaı joldar jabyq tur?
Ońtústikte túnde +2…-21 gradýstan -7…-23 gradýsqa deıin, kúndiz -13…+5 gradýstan 0…+5 gradýsqa deıin ózgeredi.
Ońtústik-shyǵysta túnde -11…+5 gradýstan -10…-28 gradýsqa deıin tómendep, kúndiz -6…+7 gradýstan 0…-15 gradýsqa deıin sýytady.
Buǵan deıin sınoptıkter elimizge qaıtadan aıaz oralatynyn eskertken bolatyn.