Qazaqstannyń tórt óńirinde aýa raıyna baılanysty eskertý jarııalandy. Bul týraly Kazgıdromet habarlady.
14 aqpan kúni Mańǵystaý oblysynyń keı jerlerine tuman túsip, kóktaıǵaq bolýy múmkin. Aqtaý qalasynda túnde jáne tańerteń tuman túsedi. Soltústik Qazaqstan oblysynda keı jerlerde tuman túsip, burqasyn bolady. Ońtústik-batystan, ońtústikten jel soǵyp, keı jerlerde jyldamdyǵy sekýndyna 15-20 metrge jetedi.
Aýa raıyna baılanysty boljamnyń dáldigi 90-95%. Qostanaı oblysynyń keı jerlerinde 14 aqpanda jaıaý burqasyn bolyp, tuman túsedi. Ońtústik-batystan, ońtústikten jel soǵady, kúshi keı jerlerde sekýndyna 18 metrge jetedi. Aýa raıy boljamynyń dáldigi 90-95%.
Batys-Qazaqstan oblysynyń keı jerlerinde tuman túsip, kóktaıǵaq bolady. Oral qalasynda tuman túsip, kóktaıǵaq bolady. Qyzylorda oblysynyń birqatar aýmaqtarynda kóktaıǵaq bolyp, boran soǵady. Ońtústik-shyǵystan jáne shyǵystan jel soǵyp, jyldamdyǵy sekýndyna 15-20 metrge jetedi.
Aqmola oblysynda tuman túsip, jaıaý burqasyn bolady. Ońtústik-batystan, ońtústikten 15-20 jyldamdyqpen jel soǵady.