Almatyda BUU-nyń 6 tiline aýdarylǵan qazaq ádebıeti antologııalarynyń tanystyrylymy barysynda Qazaqstan Respýblıkasynyń Memlekettik hatshysy Q.Kósherbaev joba Qazaqstan Respýblıkasynyń Tuńǵysh Prezıdenti – Elbasy N.Á.Nazarbaevtyń bastamasymen júzege asyp jatqan «Rýhanı jańǵyrý» baǵdarlamasy baǵyttarynyń biri ekendigine toqtalyp, uzaq jyldardy, alysty kózdegen, muraty bıik «Jahandaǵy zamanaýı qazaqstandyq mádenıet» jobasynyń maqsaty - qazaq ádebıeti men mádenıetin, mýzykasy men beıneleý ónerin, kıno jáne teatr salasyndaǵy ozyq týyndylardy álemge tanytý.
Ulttyq mádenıettiń bar jetistigin álemdik órkenıetke qosýdy kózdegen bul jobany ádebıetten, sóz ónerimizden bastaýdy jón kórdik. Qazaq ádebıetiniń úzdik úlgilerin BUU-nyń 6 tiline aýdarý jáne ony osyndaı keń kólemde taratý – buryn sońdy bizdiń tarıhymyzda bolmaǵan. Bul jobany uıymdastyrý jáne úılestirý júıesi de burynǵydan ózgeshe boldy.
Ondaǵy basty maqsat – kórkem aýdarmanyń joǵary sapasyn qamtamasyz etý edi. Ol úshin eń aldymen, jobany júzege asyrýǵa 6 eldegi kórkem aýdarma salasynda tájirıbesi mol, bedeldi degen baspalar tańdaldy. 60 avtordyń úzdik týyndylary engen antologııalar dúnıejúziniń 5 qurlyǵyndaǵy 93 memlekettiń iri kitaphanalary, irgeli oqý oryndary, mádenıet pen ádebıetke mamandanǵan ǵylymı ortalyqtaryna taratylady», dep atap ótti.