Qazirgi jahandyq ózgerister memleketterden jekelegen sheshimderdi emes, saıası úlgini tereń ári júıeli túrde transformasııalaýdy talap etedi. Senat Tóraǵasy Máýlen Áshimbaevtyń «Reformalar máni-6: Qubylmaly álemdegi strategııalyq múmkindikter» atty jańa maqalasynda avtor Qazaqstan bul úderiske der kezinde kiriskenin, respýblıkalyq referendýmda jańa Konstıtýsııany qabyldaý arqyly aýqymdy reformalardy bastaǵanyn atap ótedi, dep habarlaıdy Egemen.kz.
Maqalada jańa Ata Zań eldi jańartý men jańǵyrtý jolyndaǵy qoǵamdyq suranysqa jaýap beretin tarıhı tańdaý ekeni erekshe atap kórsetilgen.
Kópvektorlyq 2.0: Prezıdent Toqaev Qazaqstannyń syrtqy saıasatyn qalaı qaıta qurdy?
Sonymen qatar Máýlen Áshimbaevtyń pikirinshe, jańa Konstıtýsııa ult birliginiń irgetasyna aınalyp, týrbýlentti dáýirdiń syrtqy syn-qaterlerine der kezinde berilgen jaýap boldy.
«Búginde prezıdenttik reformalar jaı ǵana ózekti emes, olar jahandyq ózgerister aǵynynyń ajyramas bóligine aınaldy. Álemdegi qýatty kúsh ortalyqtarynyń burynǵy júıesi álsirep, jańa kúshter qalyptasyp kele jatqan kezeńde óz egemendigin bárinen joǵary baǵalaıtyn, birtutas ult qana jańa álemde laıyqty ornyn taba alady. Biz geosaıası daýylǵa daıyn ekenimizdi kórsettik. Bul birtutas, Ádiletti Qazaqstan úshin jańa múmkindikterge jol ashady», dep jazady Senat Tóraǵasy.
Maqalada sondaı-aq jańa jahandyq shyndyq jaǵdaıynda eldiń odan ári damýynyń negizgi baǵyttary jan-jaqty qarastyrylady. Atap aıtqanda, mýltıpleksti álemniń qalyptasýy, syrtqy saıasattyń transformasııasy, sondaı-aq jelilik egemendik modeline kóshý máseleleri sóz bolady. Bul model aıasynda Qazaqstan jahandyq ekonomıkalyq jáne kólik baılanystarynyń mańyzdy ári almastyrylmaıtyn toraptarynyń biri retindegi rólin kúsheıtedi.
Máýlen Áshimbaev: Prezıdent Toqaevtyń reformalary qubylmaly álemde Qazaqstanǵa múmkindikter terezesin ashady