Abaı oblysynyń polısııasy medısınalyq dıplomdy zańsyz jolmen jasap bermek bolǵan alaıaqtyq deregin anyqtady, dep habarlaıdy Egemen.kz.
Oblystyq polısııa departamentiniń málimetinshe, tártip saqshylaryna Úrjar aýylynyń 24 jastaǵy turǵyny shaǵymdanǵan. Jábirlenýshiniń aıtýynsha, ol 2025 jyldyń aqpan aıynda alaıaqtyq árekettiń qurbany bolǵan.
Elimizde jalǵan dıplomdardy anyqtaıtyn sıfrlyq portal quryldy
Tergeý barysynda anyqtalǵandaı, 44 jastaǵy áıel medısınalyq mamandyq boıynsha dıplom daıyndap beremin degen jeleýmen azamattyń senimine kirip, qarajatyn ıemdengen. Dıplom alyp, dáriger atanǵysy kelgen jábirlenýshi kúdiktige 600 000 teńge kóleminde aqsha bergen. Alaıda, ýáde etilgen qyzmet kórsetilmeı, alaıaq qarajatty óz qajetine jaratqan.
Qazaqstan dıplomymen qaı elderde jumys isteýge bolady?
Jedel-izdestirý is-sharalarynyń nátıjesinde kúdikti ustalyp, polısııa bólimine jetkizildi. Qazirgi ýaqytta alaıaqtyq faktisi boıynsha sotqa deıingi tergep-tekserý amaldary bastaldy.
Quqyq qorǵaý organdary azamattarǵa kez kelgen qujatty «jyldam» nemese «beıresmı» jolmen rásimdeýdiń zańsyz ekenin eskertedi. Mundaı áreketter qarjylyq shyǵynǵa ǵana emes, sonymen qatar qylmystyq jaýapkershilikke de ákep soqtyrýy múmkin.