Elordada týrıstik kompanııada jumys istegen 27 jastaǵy azamatqa qatysty alaıaqtyq deregi boıynsha sotqa deıingi tergep-tekserý bastaldy. Kúdikti qasıetti Mekke qalasyna qajylyq sapar uıymdastyramyn dep birneshe adamdy aldaǵan, dep habarlaıdy Egemen.kz.
Polisia.kz málimetinshe, kúdikti azamattarǵa joldama rásimdeý, vıza alý jáne áýe bıletterin satyp áperemin degen syltaýmen aldyn ala aqsha alǵan. Alaıda ýáde etilgen qyzmetter kórsetilmeı, qarajatty ózi ıemdengen.
Alaıaqtar aıylyn jııar emes
Qazirgi ýaqytta alaıaqtyqtyń 13 deregi anyqtalǵan. Keltirilgen jalpy materıaldyq shyǵyn kólemi 2 mıllıon 200 myń teńgeni quraıdy. Tergeý barysynda jábirlenýshiler sanynyń artýy múmkin ekeni de joqqa shyǵarylmaıdy.
Atalǵan fakti boıynsha sotqa deıingi tergeý amaldary júrgizilip jatyr. Sondaı-aq kúdiktiniń osyǵan uqsas basqa qylmystarǵa qatysy bar-joǵy tekserilip jatyr.
Asa iri mólsherdegi alaıaqtyq jáne jalǵan aqparat: Almatyda Sanjar Boqaev ustaldy
Polısııa azamattardy týrıstik jáne qajylyq qyzmetterdi rásimdeý kezinde saq bolýǵa shaqyrady. Qyzmet kórsetýshi kompanııanyń lısenzııasyn, kelisimshart talaptaryn jáne tólem qujattaryn muqııat tekserý, sondaı-aq tek resmı tirkelgen týroperatorlarǵa júginý qajet ekenin eskertedi.