Batys Qazaqstan oblysynda qyzylsha juqtyrǵan jandar sany kóbeıip barady. Oblystyq densaýlyq saqtaý basqarmasy óńirdegi jaǵdaıdy «turaqsyz» dep baǵalap otyr, dep habarlaıdy Egemen.kz.
Oblysta qyzylsha aýrýy boıynsha epıdemıologııalyq jaǵdaı turaqsyz dep sıpattalyp, aýrýshańdyqtyń ósýi baıqalady. Bul jóninde oblystyq densaýlyq saqtaý basqarmasy basshysynyń orynbasary Aınash Ǵubaıdýllına jarııa etti.
«Jyl basynan beri óńirde qyzylsha juqpasy dıagnozymen 169 jaǵdaı tirkeldi. Onyń 25-i – qańtarda, 83-i – aqpan aıynda, al naýryzdyń 1-18 aralyǵynda taǵy 61 adam anyqtalyp otyr», deıdi Aınash Jubanyshqyzy.
Syrqattardyń basym bóligi Oral qalasynda tirkelgen. Sondaı-aq Báıterek, Bórli jáne Terekti aýdandarynda da jaǵdaı máz emes. Aýrý juqtyrǵandardyń basym kópshiligi, ıaǵnı 141-i – 14 jasqa tolmaǵan balalar. Eń alańdatarlyq jaǵdaı – aýyrǵan balalardyń 91,1 paıyzy vaksına almaǵan! Onyń ishinde 41 bala – ekpeden óz erkimen bas tartqan ata-analardyń perzentteri.
Balalardy qyzylshadan qalaı qorǵaý kerek? Dáriger keńesine nazar aýdaryńyz
«Ulttyq profılaktıkalyq egý kúntizbesine sáıkes qyzylshaǵa qarsy vaksınasııa 1 jáne 6 jasynda 2 ret júrgiziledi, bul vaksınasııadan keıingi ımmýnıtetti qalyptastyrýǵa múmkindik beredi, ımmýnıtet vaksınasııa alǵan adamda ómir boıy bolady. Sondyqtan balańyz qyzylshaǵa qarsy profılaktıkalyq ekpeni almaǵan bolsa, vaksınasııa alý kerek» deıdi mamandar.
BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń aıtýynsha, qyzylshanyń eń tıimdi emi – vaksına alý. Elimizde Ulttyq profılaktıkalyq ekpeler kúntizbesine sáıkes ár sábı ekpeniń birinshi dozasyn – jasqa tolǵansha, ekinshi márte – 6 jasynda alýy tıis. Qazir óńirde 6-10 aılyq balalarǵa qyzylshaǵa qarsy qosymsha egý jumysy júrip jatyr. Búginge deıin 1 626 bala ekpe alǵan. Biraq ol barlyq balanyń 49,1 paıyzyn ǵana quraıdy.
Mınıstrlik: Qyzylshaǵa qatysty epıdemıologııalyq ahýal jaqsarmaı tur
Oblystyq juqpaly aýrýlar aýrýhanasynda qyzylshamen aýyrǵan naýqastarǵa arnalǵan 60 kereýet bar. Búginde ol jerde 34 naýqas qyzylshadan emdelip jatyr. Onyń 28-i – bala, 6-y – eresek adam eken.
Batys Qazaqstan oblysy