Máskeý quqyq qorǵaý organdary tabandarynan tik turyp, belgisiz bir júrgizýshi kóligine mingizip áketken eki balany izdestirý ústinde. Bul týraly «Gazeta.Ru» habarlady.
Máskeý polısııasynyń búkil jeke quramyna belgisiz júrgizýshi alyp ketken eki balanyń bet-beıneleri kórsetilgen baǵyttama tapsyryldy. Olar qazir barlyq jerdi sharlap, joǵalǵan búldirshinderdi izdestirýde.
«Baǵyttamalar barlyq postylar men patrýlder jasaǵyna berildi», deıdi ishki ister mınıstrligi qalalyq basqarmasynyń baspasóz qyzmeti.
Keshe shamamen saǵat 12:00-de bir er kisi eki balany jeke tasymalmen aınalysatyn júrgizýshiniń alyp ketkenin habarlaǵan. Birshama ýaqyttan keıin, onyń aıtýynsha, balalar áketilgen VAZ kóligi Úshinshi sheńber mańynan tabylǵan. Biraq onyń ishinde balalar bolmaı shyqty.
Sultan Bozaıǵyr.