Bostondaǵy teraktige baılanysty aıyptalǵan qazaqstandyq stýdentter aqtalýy múmkin
AQSh-tyń Boston qalasynda sáýir aıynda oryn alǵan teraktige baılanysty qamaýǵa alynǵan qazaqstandyq stýdentter Azamat Tájaıaqov pen Dıas Qadyrbaev aqtalyp qalýy yqtımal. Bul týraly RT agenttiginiń orys bólimshesi habarlady.
Bostondaǵy teraktige baılanysty aıyptalǵan qazaqstandyq stýdentter aqtalýy múmkin
AQSh-tyń Boston qalasynda sáýir aıynda oryn alǵan teraktige baılanysty qamaýǵa alynǵan qazaqstandyq stýdentter Azamat Tájaıaqov pen Dıas Qadyrbaev aqtalyp qalýy yqtımal. Bul týraly RT agenttiginiń orys bólimshesi habarlady.
«Azamat Tájaıaqov pen Dıas Qadyrbaev Bostondaǵy lańkestikke baılanysty ótkiziletin sot májilisterinde ózderiniń kinálary bar ekenin moıyndaǵylary kelip otyrǵan joq. Olardyń advokattary aıyptaýdyń negizi tııanaqsyz ekenin, al aıyptalýshylar sotta kinálary joqtyǵyn málimdeıtinderin jetkizdi», – delingen onda.
«Alaıda, aıyptalýshylar kinálaryn moıyndaı qalǵan jaǵdaıda, olardy otandaryna qaıtarý múmkindigi tek jazalaryn ótegennen keıin ǵana múmkin bolady», – dep habarlady «Interfaks».
Amerıkalyq quqyq qorǵaýshylar qazaqstandyq 19 jasar eki stýdentke quqyq qorǵaý organdaryna kedergi keltirý maqsatynda lańkestik jasaýshymen kelisimge keldi dep otyr. Buryn habarlanǵandaı, olarǵa Djohar Sarnaevtan keıin kúl-qoqystyń arasynan tabylǵan noýtbýgy men feıerverk salynǵan rıýkzagyn laqtyryp jiberdi, degen aıyp taǵylǵan bolatyn. Joǵarydaǵy aıyptaý boıynsha qos stýdentke jalpy mólsheri 25 jylǵa deıin túrmede otyrý jazasy kesilýi múmkin.
Eske sala keteıik, aǵaly-inili Tamerlan jáne Djohar Sarnaevtar ústimizdegi jylǵy 15 sáýir kúni Bostonda ótken marafonnan keıin jarylys jasap, úsh adamnyń ajal qushýlaryna sebep boldy degen aıyp taǵylǵan edi. Sońynan bolǵan atys kezinde Tamerlan qaza tapty da, Djohar qolǵa tústi.
Aıyptaý qorytyndysynda osy iske oraı qamaýǵa alynǵan úshinshi adamnyń da aty atalyp jatyr. Ol qazaq stýdentteriniń sybaılasy sanalyp otyrǵan 19 jasar amerıkalyq Robel Fıllıpos kórinedi. Jas jigitke federaldy tergeýshige jalǵan jaýap berdi degen aıyp taǵylypty. Ol sotqa deıin 100 myń dollar kepildik tólep, bostandyqqa shyǵypty.
Sultan BOZAIǴYR.