Túrkistan oblysynyń ákimi О́mirzaq Shókeev egistik alqaptan jylyna 2-3 ret ónim alý ınnovasııalyq tehnologııasyn árbir aýyldyq okrýgke engizý boıynsha tapsyrma bergen bolatyn. Búginde Maqtaaral aýdanynda jańa tehnologııa 238 gektar jerge engizilip otyr.
Qańtardyń ortasynan dıqanshylyqty bastaǵan sharýalar 230 gektar jerge qyryqqabat, 8 gektar jerge qyzylsha ekken. Sondaı-aq bul kórsetkish erte kóktemge deıin arta beretin bolady. Erte pisetin qyryqqabatty jınap alǵan soń dıqandar aýyn-qarbyz, maqta sııaqty daqyldar egýge kirisedi.
Osylaısha jer emgen sharýalar jylyna eki ret, tipti úsh ret ónim alady. Byltyr sáýir aıynda alǵashqy ónimin alǵan dıqandar respýblıkanyń birneshe oblysyn jáne Reseı Federasııasyn qyryqqabatpen, qaýyn-qarbyzben jáne basqa da kógónis ónimderimen qamtamasyz etken bolatyn.
Dıqandar negizinen salmaǵy 1-1,5 keliden aspaıtyn qyryqqabattyń pandıon, rında, farao suryptaryn otyrǵyzýda. Erte pisetin ónim túrine eýropalyqtar men reseılikter tarapynan suranys kóp.
Aıta keteıik, aýdanda ótken jyly jańa tehnologııalardy engizýdiń arqasynda aýyl sharýashylyǵy óniminiń kólemi 43,2 mıllıard teńgege jetken.