Túrkistan oblysynyń memlekettik sáýlet-qurylys baqylaýy basqarmasy ótken jyly zań talaptaryn saqtamaı salynǵan 69 bıýdjettik jáne 144 jeke kásipkerlik, barlyǵy – 213 qurylys nysandaryna tekserý júrgizgen. Anyqtalǵan zań buzýshylyqtar negizinde sharalar kórilip, hattamalar toltyrylǵan jáne jalpy sommasy – 62 149 861,5 teńge ákimshilik aıyppul salynǵan.
О́ńirlik kommýnıkasııalar qyzmetinde ótken brıfıngte basqarma basshysy Muhıt Turysbekov, sondaı-aq lısenzııa alýǵa, qaıta tirkeýge qatysty barlyǵy 665-ótinish qabyldanǵanyn málim etti. О́tken jyly 752 nysannyń qurylys-montajdaý jumystaryn bastaýǵa habarlamalar tirkelgen. Onyń ishinde bıýdjet qarajaty esebinen - 445, jeke kásipkerlik qarajaty esebinen 307 nysan salynýda. О́ńirdegi qurylystardyń sapasyna baqylaý jasaıtyn basqarma, ásirese, oblys ortalyǵy Túrkistan qalasyndaǵy barlyq jańa ǵımarattardyń qurylys normalaryna saı bolýyn qadaǵalaýda. Jalpy basqarma tarapynan 5 memlekettik kyzmet kórsetiledi. Bul qyzmetter 2019 jyldyń basynan beri 100% elektrondy túrde kórsetilýde. Qazirgi tańda basqarma tarapynan Túrkistan qalasynda qurylys-montajdaý jumystary júrgizilip jatqan 170 bıýdjettik nysannyń, ıaǵnı 85 kópqabatty turǵyn úılerdiń, 56 áleýmettik nysan jáne 29 ınjenerlik kommýnıkasııa júıeleriniń qurylysy qadaǵalanýda.