Joǵarǵy hokkeı lıgasy (JHL) komandalary arasynda pleı-offqa shyqqandar birte-birte anyqtalýda. Taıaý kúnderi olar Petrov kýbogy úshin jarysty bastaıdy.
Turaqty birinshiliktiń ekinshi konferensııasynda 71 upaımen besinshi oryn alǵan Qaraǵandynyń «Saryarqasy» Petrov kýbogy jolyndaǵy jarystyń alǵashqy kezeńinde Sankt-Peterbýrgtiń SKA-Nevasymen kúsh synasady. Neva jaǵalaýynyń ókilderi 86 upaımen birinshi konferensııada tórtinshi orynǵa turaqtaǵan bolatyn.
Kelesi kezeńge ótý úshin osy komandalardyń biri tórt ret jeńiske jetýge tıis. Bul básekeler 22, 23, 26 jáne 27 aqpanda ótedi. Sol aralyqta jeńimpaz komanda anyqtalmasa, 1, 4 jáne 7 naýryzda olar qaıta kúsh synasady.