Qazaqstannyń jańa Konstıtýsııasy pikir bildirý erkindigi men azamattardyń quqyqtaryn qorǵaý arasyndaǵy tepe-teńdikti qalyptastyrady. Sonymen qatar senzýraǵa tyıym salyp, jaýapkershilikke qatysty quqyqtyq negizderdi bekitedi. Bul týraly jýrnalıst Nurbek Matjanı 11 naýryzda Astanada ótken «Konstıtýsııalyq reforma jáne qoǵamdyq dıalog: bolashaqty qalyptastyrý» atty sarapshylar alańynda aıtty, dep habarlaıdy Egemen.kz.
Alańǵa Parlament depýtattary, saıasattanýshylar, akademııalyq qaýymdastyq ókilderi, jýrnalıster qatysty. Qatysýshylar jańa Konstıtýsııa jobasynyń negizgi jańalyqtaryn jáne memlekettik júıeniń turaqtylyǵyn kúsheıtýge baǵyttalǵan ınstıtýsıonaldy ózgeristerdi talqylady. Ásirese bilim men ınnovasııany damytý, bilimdi qoǵam qalyptastyrý jáne azamattardyń sıfrlyq quqyqtaryn qamtamasyz etý máselelerine basymdyq berildi.
Qazaqstandaǵy referendýmdy 38 elden kelgen 359 baıqaýshy baqylaıdy
N. Matjanıdiń aıtýynsha, sıfrlyq tehnologııalardyń qarqyndy damýy men medıaquraldardyń jahandyq keńistigi jaǵdaıynda aqparattyq ortany retteý máseleleri erekshe ózekti.
«Jalǵan aqparattyń taralýy, jeke ómirge qol suǵylmaýshylyqty qorǵaý qajettigi tıisti zańmen jaýap berýdi talap etedi», dedi ol.
Sarapshy atap ótkendeı, jańa Konstıtýsııanyń basty normalarynyń biri – ár adamnyń óz kózqarasy men senimin erkin bildirý quqyǵyn qamtamasyz etý. Bul demokratııalyq qoǵamnyń negizin quraıdy.
«Bireýdiń erkindigi basqa bireýdiń erkindigi bastalatyn jerde aıaqtalady. Sóz erkindigi adamnyń abyroıy men qadir-qasıetine, kásibı bedeline jáne jeke ómiriniń derbestigine nuqsan keltirmeýi kerek», dep túsindirdi Matjanı.
Talǵat Qalıev: Jańa Konstıtýsııa memlekettik ınstıtýttardy nyǵaıtyp, eldiń turaqtylyǵyn arttyrady
Onyń aıtýynsha, jańa qujat senzýraǵa tyıym salyp, sóz erkindigine kepildik beredi. Bul norma BAQ, ǵylym, óner jáne qoǵamdyq dıalogtyń erkin damýyna quqyqtyq negiz beredi.
«Senzýraǵa tyıym salý ártúrli kózqarastar qatar ómir súretin plıýralıstik aqparattyq ortanyń qalyptasýyna yqpal etedi», dedi sarapshy.
Soǵys pen qarýly qaqtyǵystardy nasıhattaýǵa tyıym salynady. Bul ereje Qazaqstannyń beıbitshilikti jaqtaıtyn syrtqy saıası doktrınasyn kórsetedi.
Abzal Quspan: Jańa Konstıtýsııa adamǵa baǵyttalǵan memlekettik basqarýdyń jańa fılosofııasyn qalyptastyrady