Búgin, 13 tamyz kúni Astanada bolyp ótken shaıbaly hokkeıden Qazaqstan Respýblıkasy Kýbogy jolyndaǵy fınaldyq oıynda Reseıdiń Hanty-Mansıısk qalasynyń «Iýgra» komandasy 4:3 esebimen utqan jergilikti «Barys» klýby bas báıgeni jeńip aldy.
Kezdesýdiń birinshi taımynda esep ashqan qonaqtar shabýylshysy Artem Býlıanskııdiń golyna astanalyq Dmıtrıı Ýpper jaýap berdi. Ekinshi kezeńde reseılikter Andreı Shefer men Evgenıı Hvostovtyń salǵan shaıbalary arqasynda alǵa shyǵyp ketti. Bul aralyqta barystyqtar Roman Starchenkonyń nátıjeli shabýyly arqasynda bir shaıbanyń qarymtasyn qaıtaryp úlgerdi.
Qarsylastar osylaısha úshinshi kezeńdi meımandardyń bir gol aıyrmasymen (3:2) alǵa shyǵýy jaǵdaıynda bastady. Degenmen, osy sheshýshi sátte jınaqy oıyn kórsetken astanalyqtar jaýapsyz eki shaıba soǵyp, qorytynda jeńisti qamtamasyz etti. Jerlesterimizden bul goldardy Roman Starchenko men Andreı Gavrılın óz esepterine jazdy.
Osynyń aldynda týrnırdegi úshinshi oryn úshin shaıqas bolyp, onda Podolskiniń «Vıtıaz» komandasy Habarovskiniń «Amýryn» jeńdi.
Damır Qojamqul.