Qazaqstandyq boksshy Qanat Islam (27-0, 21 KO) Dúnıejúzilik boks uıymynyń (WBO) jańartylǵan reıtınginde bir satyǵa joǵarylady. Bul týraly Sports.kz habarlady.
Rangter týraly kesteniń jańa shyǵarylymynda jartylaı orta salmaqtaǵy WBO International ataǵynyń ıegeri meksıkalyq Haıme Mýngııadan (35-0, 28 KO) jáne brıtandyq Lıam Ýılıamsten (22-2-1, 17 KO) keıin úshinshi orynǵa turaqtady. Orta salmaqta WBO tujyrymy boıynsha álem chempıony ataǵyn AQSh ókili Demetrıýs Andrade (29-0, 18 KO) jeńip aldy.
Eske sala keteıik, Qanat Islam búginge deıin óziniń sońǵy aıqasyn 26 qazanda Almaty qalasynda namıbııalyq Ýolter Kaýtondokvýǵa qarsy ótkizgen bolatyn. Onda ol tóreshilerdiń biraýyzdy sheshimimen jeńiske jetti.