Qazaqstan Respýblıkasy Prezıdentiniń Jarlyǵy № 611

Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń uıymdastyrylýy men jumys isteýi qaǵıdalaryn bekitý týraly

«Terrorızmge qarsy is-qımyl týraly» 1999 jylǵy 13 shildedegi Qazaqstan Respýblıkasy Zańynyń 4-baby 2-tarmaǵynyń 2) tarmaqshasyna sáıkes halyqty terrorızm aktisiniń qateriniń týyndaýy týraly ýaqtyly habardar etý jáne onyń jasalýyna qarsy is-qımyl jónindegi qyzmetti uıymdastyrý maqsatynda qaýly etemin:

1. Qosa berilip otyrǵan Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń uıymdastyrylýy men jumys isteýi qaǵıdalary bekitilsin.

2. Qazaqstan Respýblıkasynyń memlekettik organdary men jergilikti atqarýshy organdary óz aktilerin osy Jarlyqqa sáıkes keltirsin.

3. Osy Jarlyq alǵashqy resmı jarııalanǵanynan keıin qoldanysqa engiziledi.

Qazaqstan Respýblıkasynyń Prezıdenti

N.NAZARBAEV.

Astana, Aqorda, 2013 jylǵy 9 tamyz.   № 611.

Qazaqstan Respýblıkasy Prezıdentiniń 2013 jylǵy 9 tamyzdaǵy № 611 Jarlyǵymen bekitilgen

Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń uıymdastyrylýy men jumys isteý qaǵıdalary

1. Jalpy erejeler

1. Osy Qaǵıdalar terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń uıym­dastyrylýy men jumys isteýiniń tártibin belgileıdi.

2. Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesi – bul jeke adamnyń, qoǵamnyń jáne memlekettiń qaýipsizdigin qamtamasyz etý jónindegi sharalardy uıymdastyrý men atqarý maqsatynda qyzmeti terrorızm akti­siniń (aktileriniń) qateri saldarynan nemese jasalýynan týyndaıtyn daǵdarysty ahýaldar monıtorıngin jáne olarǵa boljam jasaýdy júzege asyrýǵa, Qazaqstan Respýblıkasynyń aýmaǵynda terrorıstik qaýiptiliktiń deńgeıin belgileýge, terrorızm aktisiniń (aktileriniń) qateri nemese jasalýy kezinde memlekettik organdarǵa, menshik nysanyna qaramastan uıymdarǵa jáne halyqqa aqparatty jáne habardar etý sıgnaldaryn ýaqtyly jetkizýdi qamta­masyz etýge baǵyttalǵan basqarý organ­darynyń, ortalyq memlekettik jáne jergi­likti atqarýshy organdar kúshteri men qural­darynyń jıyntyǵy.

3. Osy Qaǵıdalarda mynadaı uǵymdar paı­dalanylady:

1) terrorızm aktisi qateriniń týyndaýy týraly aqparat monıtorıngi – res­pýblıkanyń túrli óńirlerinde, sondaı-aq Qazaqstan Respýblıkasynyń Memlekettik shekarasynyń jekelegen ýchaskelerinde terrorızm aktisiniń (aktileriniń) jasalý saldarynan nemese jasalý qaýpi saldarynan týyndaıtyn daǵdarysty ahýaldar belgilerin anyqtaý maqsatynda ortalyq memlekettik jáne jergilikti atqarýshy organdardan, buqaralyq aqparat quraldary men ashyq jáne jabyq sıpattaǵy basqa da derekkózderden ýákiletti memlekettik organdardyń ahýaldyq ortalyqtaryna, basqarý pýnktterine, kezekshi jáne dıspetcherlik qyzmetterine turaqty negizde kelip túsetin, elde jáne shetelde bolyp jatqan oqıǵalarǵa qatysty aqparatty júıeli túrde jınaý jáne óńdeý;

2) daıyndalyp jatqan nemese jasalǵan terrorızm aktisi (aktileri) týraly anyq aqparat (naqty derekter) – daıyndalyp jatqan nemese jasalǵan terrorızm aktisi (aktileri) týraly obektıvti shyndyqqa (faktilerge) sáıkes keletin derekter.

2. Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń quramy

4. Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń quramyna:

Qazaqstan Respýblıkasy Bas prokýratýrasy;

Qazaqstan Respýblıkasy Ulttyq qaýip­sizdik komıteti;

Qazaqstan Respýblıkasy Prezıdentiniń Kúzet qyzmeti;

Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polısııasy);

Qazaqstan Respýblıkasy Syrtqy ister mınıstr­ligi;

Qazaq­stan Respýblıkasy Qorǵanys mınıs­trligi;

Qazaq­stan Respýblıkasy Ishki ister mınıstr­ligi;

Qazaqstan Respýblıkasy Aýyl sharýa­shylyǵy mınıstrligi;

Qazaqstan Respýblıkasy Kólik jáne kommýnıkasııa mınıstrligi;

Qazaqstan Respýblıkasy Qorshaǵan ortany qorǵaý mınıstrligi;

Qazaqstan Respýblık asy Mádenıet jáne aqparat mınıstrligi;

Qazaqstan Respýblıkasy Tótenshe jaǵdaılar mınıstrligi;

Qazaqstan Respýblıkasynyń «Syrbar» Syrtqy barlaý qyzmeti;

jergilikti atqarýshy organdar;

Qazaqstan Respýblıkasy Din isteri agenttigi;

Qazaqstan Respýblıkasy Indýstrııa jáne jańa tehnologııalar mınıstrliginiń Atom energııasy komıteti;

Qazaqstan Respýblıkasy Qarjy mınıstrliginiń Kedendik baqylaý komıteti;

Qazaqstan Respýblıkasy Qarjy m­ınıs­trliginiń Qarjy monıtorıngi komıteti;

Qazaqstan Respýblıkasy Prezıdenti janyndaǵy Ortalyq kommýnıkasııalar qyzmeti kiredi.

3. Memlekettik organdardyń laýazymdy adamdaryna terrorızm aktisiniń (aktileriniń) qateri týyndaýy nemese jasalýy týraly aqparatty jetkizý tártibi

5. Terrorızm aktisi qateriniń týyndaýy týraly aqparatty Qaǵıdalardyń 4-tarmaǵynda kórsetilgen memlekettik organdardyń ahýaldyq ortalyqtary, basqarý pýnktteri, kezekshi jáne dıspetcherlik qyzmetteri óz quzyretine sáıkes turaqty túrde qabyldaıdy, óńdeıdi jáne baılanys arnalary arqyly Qazaqstan Respýblıkasy Ulttyq qaýipsizdik komıtetiniń ahýaldyq ortalyqtaryna dereý jiberedi.

Qazaqstan Respýblıkasy Prezıdentiniń Kúzet qyzmeti kúzetetin adamdarǵa nemese obektilerge qatysty terrorızm aktisi jasalý qateriniń týyndaýy týraly osy Qaǵıdalardyń 4-tarmaǵynda kórsetilgen memlekettik organdar alǵan aqparat ta Qazaqstan Respýblıkasy Prezıdenti Kúzet qyzmetiniń kezekshi qyzmetine dereý jiberiledi.

Qazaqstan Respýblıkasynyń óńirlerinde terrorızm aktisiniń (aktileriniń) jasalýy nemese jasalý qaýpi saldarynan daǵdarysty ahýaldar týyndaǵan kezde jaǵdaı týraly aqparatty oblys, respýblıkalyq mańyzy bar qala, astana, aýdan (oblystyq mańyzy bar qala) ákimderiniń apparattary jáne ortalyq memlekettik organdardyń aýmaqtyq bólimsheleri óz quzyretine sáıkes Qazaqstan Respýblıkasy Ulttyq qaýipsizdik komıtetiniń aýmaqtyq organdaryna jiberedi.

6. Qazaqstan Respýblıkasy Ulttyq qaýipsizdik komıtetiniń ahýaldyq ortalyqtary terrorıstik qaýiptilik deńgeıin anyqtaý maqsatynda terrorızm aktisi qateriniń týyndaýy týraly kelip túsken aqparatqa monıtorıngti, ulttyq múddelerdi qozǵaýy múmkin halyqaralyq daǵdarystar men shıelenisterdi boljamdaýdy turaqty negizde júzege asyrady, terrorıstik qaterdiń óristeýi (taralýy, respýblıkanyń, basqa memleketterdiń daǵdarysty óńirleri, aqparattyq saladaǵy osal tustardy tabý) týraly turaqty baǵalaýlar júrgizedi.

7. Daıyndalyp jatqan nemese jasalǵan terrorızm aktisi (aktileri) týraly anyq aqparattyń negizinde qoǵamdyq qaýiptiliktiń aýqymyn jáne dárejesin, terrorızm aktisiniń memleket aýmaǵyna nemese onyń jekelegen óńirlerine tıgizetin kútiletin teris saldarlary men sıpatyn eskere otyryp, Qazaqstan Respýblıkasy Ulttyq qaýipsizdik komıteti ahýaldyq ortalyqtarynyń basshylary terrorıstik qaýiptilik deńgeıi týraly Qazaqstan Respýblıkasy Ulttyq qaýipsizdik komıtetiniń Tóraǵasyn dereý habardar etedi.

4. Qazaqstan Respýblıkasynyń aýmaǵyndaǵy terrorıstik qaýip­tilik deńgeıin anyqtaý jáne ter­­ro­rızm aktisi qateriniń týyn­­­daýy týraly halyqty habardar etý tártibi

8. Qazaqstan Respýblıkasynyń barlyq aýmaqtarynda nemese óńirleri men eldi mekenderiniń aýmaqtarynda terrorıstik qaýiptiliktiń mynadaı deńgeıleri:

birqalypty («sary») – terrorızm aktisi (aktileri) jasalýynyń naqty múmkindigi týraly rastaýdy talap etetin aqparat bolǵan kezde;

joǵary («qyzǵylt sary») – terrorızm aktisi (aktileri) jasalýynyń naqty múmkindigi týraly rastalǵan aqparat bolǵan kezde;

shekti («qyzyl») – jasalǵan terrorızm aktisi týraly aqparat, sondaı-aq terrorızm aktisin (aktilerin) qaıtalap jasaý nemese terrorıstik turǵydan osal obektilerge bir mezgilde terrorıstik shabýyldar jasaý múmkindigi týraly rastalǵan aqparat bolǵan kezde belgilenýi múmkin.

9. Eger qabyldanǵan sharalardyń nátıjesinde terrorıstik qaýiptiliktiń qateri joıylsa, onda terrorıstik qaýiptilik deńgeıi alyp tastaýǵa jatady.

10. Qazaqstan Respýblıkasynyń jekelegen óńirleriniń jáne eldi mekenderiniń aýmaǵynda terrorıstik qaýiptiliktiń birqalypty («sary») jáne joǵary («qyz­ǵylt sary») deńgeılerin belgileý, ózgertý nemese alyp tastaý týraly sheshimdi Qazaqstan Respýblıkasy Ulttyq qaýipsizdik komıteti aýmaqtyq organynyń bastyǵy oblys, respýblıkalyq mańyzy bar qala, astana ákimimen kelise otyryp dereý qabyl­daıdy, qabyldanǵan sheshim týraly Qazaqstan Respýblıkasy Ultty