Bul týraly qalalyq TJD baspasóz qyzmeti habarlady.
«24 aqpanda saǵat 8.40-ta jedel basqarma pýltine kópqabatty úıdegi páterlerdiń birinen 1994 jylǵy jáne 1992 jylǵy er adamdardyń deneleri tabylǵany habarlandy. Bir birine týys bolyp keletin ekeýi de Shymkenttiń № 556/52 áskerı bóliminde qyzmet etken. Olar páter jaldap turǵan. Qajetti sot-medısınalyq saraptamalar taǵaıyndaldy», - delingen vedomstvo habarlamasynda.
TJD málimetinshe, úıdi jylytý maqsatynda gaz plıtasy qoldanylǵan. Saldarynan páterde tabıǵı gaz tarap ketken. Oqıǵa ornynda TJD úsh qyzmetkeri men polısııa departamentiniń tórt qyzmetkeri jumys isteýde.