2020 jylǵy 20 aqpanda Qazaqstanda 834 jup otbasyn qurdy. Bul týraly Ádilet mınıstrliginiń baspasóz qyzmeti habarlady. Bul ótken jylmen salystyrǵanda 593 jupqa kóp, ıaǵnı 2019 jyly dál osy kúni 241 neke tirkelgen.
Jas jubaılardyń kópshiligi Almaty men Nur-Sultan qalalarynda jáne Qaraǵandy oblysynda tirkelgen. Atap aıtqanda, Almaty qalasynda – 165, Nur-Sultan qalasynda – 123, Qaraǵandy oblysynda – 103, al eń az jup Atyraý jáne Batys Qazaqstan oblystarynda 8-9 juptan tirkelgen.
Ádilet mınıstrliginiń AHAJ málimetterine sáıkes jas jubaılardyń jas shamasyna toqtalsaq, eń jas jup – 16-22 jasta (qalyńdyq 16 jasta, kúıeý jigit 22-de), eń jasy úlken jup – 65-70 jasta (qalyńdyq – 65 jáne kúıeý jigit – 70 jasta).
Egov portaly arqyly nekege turýǵa ótinish bergen juptar sany 122-ni qurady.
Al jyl basynan bastap 15 myń neke tirkelgen. Qys aılarynda shamamen 200-ge jýyq neke tirkeledi.
Jas jubaılar arasynda osyndaı erekshe úılesken sandary bar kúnderdi tańdaý kóbinese jazǵa sáıkes keledi. Mysaly, 08.08.2008 jyly 2044 neke tirkelgen eken.