Bıylǵy jaz Býrabaı kýrortty aımaǵyndaǵy hal-ahýaldy kádimgideı synǵa saldy. Ártúrli jıyndarda aıtylyp júrgen derekter boıynsha, jazǵy maýsymda Reseıden ǵana 150-200 myńdaı adam óz kólikterimen resmı jáne «jabaıy» túrde demalysqa keledi eken. Áńgimeni jol qatynasyna, ıaǵnı Býrabaıǵa jetý máselesine bursaq, Kókshetaý áýejaıynyń mańyzdylyǵy arta túsedi. Memlekettik komıssııa 30 nysannan turatyn qaıta qurý qurylystaryn qabyldaý jumysyna kirisip ketti. Osy oraıda, jurtshylyq jańa áýejaıdyń áleýeti qandaı bolatynyn da bilgisi keledi.
Bıylǵy jaz Býrabaı kýrortty aımaǵyndaǵy hal-ahýaldy kádimgideı synǵa saldy. Ártúrli jıyndarda aıtylyp júrgen derekter boıynsha, jazǵy maýsymda Reseıden ǵana 150-200 myńdaı adam óz kólikterimen resmı jáne «jabaıy» túrde demalysqa keledi eken. Áńgimeni jol qatynasyna, ıaǵnı Býrabaıǵa jetý máselesine bursaq, Kókshetaý áýejaıynyń mańyzdylyǵy arta túsedi. Memlekettik komıssııa 30 nysannan turatyn qaıta qurý qurylystaryn qabyldaý jumysyna kirisip ketti. Osy oraıda, jurtshylyq jańa áýejaıdyń áleýeti qandaı bolatynyn da bilgisi keledi.
«Egemen Qazaqstannyń» Aqmola oblysy boıynsha menshikti tilshisi Baqbergen Amalbek «Kókshetaý áýe kompanııasy» AQ prezıdenti Ýzıfolla Ájimoldaevqa:
– Siz buǵan ne deısiz?
– Úkimet qaýlysymen Shýche-Býrabaı kýrortty aımaǵyn damytýdyń 2012-2013 jyldarǵa arnalǵan jospary bekitilgen. Onda Kókshetaý áýejaıyn arnaıy tehnıkalyq jabdyqtarmen qamtamasyz etý, ushaqtar men qosalqy býyndarǵa qyzmet kórsetý máselesine 600 mıllıon teńge bólý qarastyrylǵan. Qazir túbegeıli qaıta qurý jumystary aıaqtaldy. Ushý-qoný alańy sheteldik qurylǵylardy ornatýmen qatar, 2850 metrge uzartyldy. Saǵatyna 200 jolaýshyny qabyldaı alatyn aerovokzal eki teleskopııalyq trap, lıft jáne eskalatormen jabdyqtaldy. Munda jolaýshylarǵa barlyq qolaıly jaǵdaılar jasalýmen birge, tirkeý, shekaralyq jáne kedendik rásimdeý oryndary qarastyrylǵan. Áýekompanııa «AIP» álemdik jınaǵyna áýejaıdyń ushyp-qoný alańy, apattan qutqarý sharalary, termınaldar, jolaýshy jáne júk tasymaldaý jónindegi anyqtamalaryn tolyq jarııalaıdy. Aqparattyq blok iske qosýǵa daıyn. Sondaı-aq, jylý qazandyǵy men taratý júıeleriniń, zerthana ǵımaratynyń, janar-jaǵarmaı ortalyǵy men transformator podstansııasy sııaqty nysandardyń jumystary aıaqtaldy.
Qazirdiń ózinde ushaqtar Almaty-Kókshetaý-Almaty baǵytynda aptasyna 4 ret ushsa, Kókshetaý-Shymkent-Kókshetaý reısi 5 tamyzdan bastap jumasyna eki ret qatynaýda. Kókshetaý-О́skemen baǵyty boıynsha avıatasymaldaý bar. Endigi jerde Aqtaý, Atyraý, Aqtóbe baǵytynda derbes reıster ashylatyn bolady. Jýyrda reseılik birqatar áýekompanııalardyń, sondaı-aq, Omby, Barnaýyl, Tıýmen, Novosibir qalasynyń áýejaılary basshylarymen kezdestik. Onda jaz aılarynda Reseı men Qazaqstan jaǵynan áýe qatynastarynyń uıymdastyrylýy jóninde sóz qozǵaldy. Máselen, tanymal «TransAero» kompanııasy Máskeý-Kókshetaý baǵytymen aptasyna eki reıs jasaýǵa ruqsat aldy. Sondaı-aq, Qazaqstannyń týrıstik fırmalarymen birge Reseı, Germanııa men Belarýsten charterlik reıster uıymdastyrý jumystaryn qolǵa aldyq. Aldaǵy kezde Germanııa, Túrkııa, Qytaı baǵytynda áýe qatynastaryn ashý nıetindemiz. Bul umtylystarymyz Býrabaıdyń ǵana emes, Zerendi, Sandyqtaý aýdandaryndaǵy týrıstik ındýstrııany damytýǵa septik jasaıtyny belgili.
Aqmola oblysy.