Keshe elordadaǵy Oqýshylar saraıynda «Nur Otan» halyqtyq-demokratııalyq partııasy kópbalaly, az qamtamasyz etilgen otbasylardan shyqqan, sondaı-aq, ata-analarynyń qamqorlyǵynsyz qalǵan balalardy jańa oqý jylyna daıyndaý maqsatynda qaıyrymdylyq aksııasyn ótkizdi.
Keshe elordadaǵy Oqýshylar saraıynda «Nur Otan» halyqtyq-demokratııalyq partııasy kópbalaly, az qamtamasyz etilgen otbasylardan shyqqan, sondaı-aq, ata-analarynyń qamqorlyǵynsyz qalǵan balalardy jańa oqý jylyna daıyndaý maqsatynda qaıyrymdylyq aksııasyn ótkizdi.
Aksııa barysynda balalarǵa mektepke qajetti jabdyqtar tabystaldy. Bul is-sharaǵa qatysqan «Nur Otan» HDP Astana qalalyq fılıaly tóraǵasynyń birinshi orynbasary Sapar Ahmetov aksııanyń jyl saıyn ótkizilip júrgenin tilge tıek etti. «1 qyrkúıek – balalar úshin úlken mereke. Bıyl Astanada on eki myńnan astam bala alǵash ret mektep tabaldyryǵyn attamaq. Sóıtip, 82 mekteptegi oqýshylar sany 86 myńǵa jetedi. Bul úlken jetistik. Áıtse de, qoǵamda qalyptasqan túrli áleýmettik jaǵdaıǵa baılanysty keıbir ata-analar balalaryn mektepke daıyndaı almaı otyr. Biz osy oraıda mektep tabaldyryǵyn endi attaǵaly otyrǵan búldirshinderge kómektesý nıetimen jyl saıyn aksııa uıymdastyryp júrmiz. Bıylǵy aksııa «Bolashaqty birge qalaımyz» degen uranmen ótýde. Búgin biz osy sharaǵa 150 balany shaqyryp, kómek kórsetýdemiz. Al, qala, aýdan fılıaldary basshylarymen, depýtattarmen, qalalyq bilim basqarmasymen birlese otyryp 1700 balaǵa kómek kórsetpekpiz. Mektepke endi baratyn bala eshqandaı kemshilik kórmeýi tıis. Olar mektepke barǵanda eń qajetti quraldary bolýy kerek. Biz osy aksııany qoǵam bolyp qoldaýymyz kerek», dedi «Nur Otan» HDP Astana qalalyq fılıaly tóraǵasynyń orynbasary S.Ahmetov.
Astana qalalyq bilim basqarmasynyń basshysy Ásııa Bımendına aksııaǵa qolushyn berýshilerdiń jyldan-jylǵa kóbeıip kele jatqanyn aıtty. Odan bólek bıyl jergilikti bıýdjetten osy maqsatqa 40 mıllıon teńge bólingen. Sonyń esebinen bilim basqarmasy bıyl 6 myńǵa jýyq balaǵa kómek kórsetkeli otyr. «Bizdiń Otanymyzǵa bilimdi, ónerli, daryndy balalar kerek. О́ıtkeni, bolashaǵymyz osyndaı balalardyń qolynda. Sol úshin mektep balalarynyń barlyǵyna da teń jaǵdaı jasalýy qajet», dedi bilim basqarmasynyń bastyǵy.
Sharanyń sońy konsertke ulasty.
Aıgúl SEIILOVA,
«Egemen Qazaqstan».
ASTANA.