Tamyzdyń 13-kúni keshki saǵat 22-00-de Qaraǵandyda erekshe oqıǵa oryn aldy – túsi qyzǵylt qar ushqyndap jaýdy. Bul týraly «31 arna» habarlady.
Bir qyzyǵy, meteorologtar bul kúni qar jaýatyny týraly eshqandaı da boljam aıtpaǵan eken. Olardyń ýáde bergeni jańbyr bolypty. Jurt sonyń ózine sene qoımaı, mysqylmen qabyldapty.
Alaıda. ekologtar tamyz aıynda da qardyń jaýyp qalý yqtımaldyǵyn joqqa shyǵara qoımaıdy. «Bul quıyn, taıfýn, naızaǵaı oınaýy sııaqty birde-bir meteorolog boljap aıtyp bere almaıtyn ádettegideı tabıǵı qubylys. Shóldi alqaptan myńdaǵan shaqyrym qashyqta jatqan jerlerge jelmen kóterilip barǵan qumnyń jaýǵan derekteri de tarıhtan belgili. Nemese gúldiń tozańdanýy 10-15 myń shaqyrym jerge deıin sozyla beredi. Sonda da bolsa, jurt shalshyq sý nege aq nemese jasyl bolady dep tań qala beredi», - deıdi Qaraǵandydaǵy «EkoMýzeı» dırektory Dmıtrıı Kalmykov.
Murat Aıtqoja.