Almaty qalasy Sport basqarmasynyń basshysy Rústem Baıseıitov hokkeıshi balalardyń ata-analarymen kezdesti. Kezdesýge «Medvedı» jeke hokkeı klýbynyń ókili de qatysty dep habarlaıdy ákimdiktiń baspasóz qyzmeti.
Balalar hokkeıiniń qazirgi jaǵdaıy men damý bolashaǵy talqylanǵan basqosýda seksııalardyń sapasy, sondaı-aq jattyqtyrýshylar quramynyń biliktiligin arttyrý máseleleri qozǵaldy.
Qalalyq Sport basqarmasynyń basshysy Rústem Baıseıitov «Qazirgi ýaqytta Almaty qalasynda balalardyń buqaralyq sportyn damytý, onyń ishinde mektep seksııalary men úıirmeleriniń tujyrymdamasynyń ázirlenip jatqandyǵyn jetkizip, daıyn bolǵannan keıin jurtshylyqpen talqylanady»,- dep atap ótti.
Birinshi kezektegi másele – balalar sportyn damytý ekendigine toqtalǵan Basqarma basshysy kásibı hokkeıdi damytar aldynda balalar rezervin qalyptastyrý qajettigin, sondaı-aq balalar sporty salasyndaǵy sharalardy kúsheıtý sportta joǵary jetistikterge serpin beretinin atap ótti.
Kezdesýde sonymen qatar hokkeı klýbynan shyǵyp qalǵan eki hokkeıshiniń jattyǵýlaryn jalǵastyratyndyǵy málim boldy.
ALMATY