Ardagerler úsh altyn aldy. Italııanyń Týrın qalasynda ardagerler arasynda ótken alǵashqy Olımpıada oıyndarynda qazaqstandyq dzıýdoshylar jalpy komandalyq esepte birinshi oryn aldy.
Ardagerler úsh altyn aldy. Italııanyń Týrın qalasynda ardagerler arasynda ótken alǵashqy Olımpıada oıyndarynda qazaqstandyq dzıýdoshylar jalpy komandalyq esepte birinshi oryn aldy.
Qazaqstan quramasy jekeleı synda 3 altyn men 1 qola medaldar ıelendi. Onda dzıýdodan Qazaqstan quramasynyń sapynda Rýslan Seıilhanov, Erjan Omarbaev pen Bolatbek Jamanbaev chempıon atandy.
Aqan da alǵashqy júldeni ákeldi. Bolgarııanyń Sofııa qalasynda jasóspirimder arasynda ótip jatqan álem chempıonatynda grek-rım kúresiniń balýandary jarystaryn aıaqtady.
Sársenbi kúni grek-rım kúresiniń chempıondary men júldegerleri anyqtaldy. Bizdiń otandasymyz Aqan Baımaǵanbetov 55 kg. salmaqta qola júldeger atandy.
Aqan Baımaǵanbetov 2010 jyly Sıngapýrde ótken jasóspirimder arasyndaǵy Olımpıadanyń da qola júldegeri.
Búgin Azııa oıyndary bastalady. 16-26 tamyz kúnderi Qytaıdyń Nankın qalasynda jasóspirimder arasynda II Azııa oıyndary ótedi. Bul synǵa Qazaqstannan 139 sportshy qatysady.
Azıadada Qazaqstannan sýǵa sekirýden eki, júzýden toǵyz sportshy kúsh synasady. Al jeńil atletıkadan el namysyn on sportshy qorǵaıdy. Badmıntonnan (4), semserlesýden (6), golf (2), dzıýdo (6), atý (10), ústel tennısi (4), tennıs (4), taekvondo (2) t.b. sport túrlerinen de sportshylarymyz attandy. Aýyr atletıkadan da on sportshy qatysady. Qol doby men regbıden de jasóspirimder quramasy baq synasady.
«Egemen-aqparat».