Aımaqtyń aqsaqaly

Boshaı Kitapbaev! Bul esimdi tanystyryp jatýdyń qajeti joq shyǵar. Shyǵys Qazaqstan oblysynyń, Katonqaraǵaı aýdanynyń qurmetti azamaty, Sosıalıstik Eńbek Eri, Uly Otan soǵysynyń múgedegi, Úlken Naryn aýdanyndaǵy mıllıoner ujymshardy 40 jyl basqaryp abyr

Boshaı Kitapbaev! Bul esimdi tanystyryp jatýdyń qajeti joq shyǵar. Shyǵys Qazaqstan oblysynyń, Katonqaraǵaı aýdanynyń qurmetti azamaty, Sosıalıstik Eńbek Eri, Uly Otan soǵysynyń múgedegi, Úlken Naryn aýdanyndaǵy mıllıoner ujymshardy 40 jyl basqaryp abyroıǵa bólengen abyz aqsaqaldyń 90 jyldyq mereıtoıyn oblys jurtshylyǵy Jambyl atyndaǵy oblystyq qazaq drama teatrynda atap ótti.

Aldymen jınalǵandarǵa qarııanyń eńbek joly, kindik qany tamǵan Katonqaraǵaı óńiriniń eli men jerine arnalǵan «Toǵyz tańbaly Naıman», «О́r Altaıda ótken ǵumyr», «Aıta aıta Altaıdy, Boshaı ata qartaıdy» kitaptary jaıly, Uly Otan soǵysynan qaıtpaı qalǵan bozdaqtarǵa Boshekeńniń óz qar­jysyna salǵyzǵan eskertkishi, basqa da qyzyqty derekterge toly kınofılm kórsetildi.

Budan keıin oblys ákimi Berdibek Saparbaev sahnaǵa kóterilip, Elbasy N.Nazarbaevtyń abyz aqsaqaldy 90 jyldyq mereıtoıymen quttyqtaýyn oqyp berdi. О́ńir basshysy budan soń qarııaǵa «Oblysqa sińirgen eńbegi úshin» tósbelgisin, «Shyǵys Qazaqstan oblysynyń qurmetti azamaty» kýáligin, Katonqaraǵaı aýdanynyń jurt­shylyǵy atynan temir tulpardyń kiltin tabystady.

Qazaqstan Respýblıkasy Memlekettik syılyǵynyń laý­reaty, belgili qalamger, Qazaq ulttyq akademııalyq kitap­­­hanasynyń bas dırektory Álibek Asqarov sóz alyp, Qazaqstan Respýblıkasy Mádenıet jáne aqparat Mınıstri Muhtar Qul-Muhammedtiń arnaıy ji­bergen quttyqtaý haty men syı­lyǵyn abyz qarııaǵa tapsyrdy. Mınıstr óz quttyqtaýynda Boshaı aǵanyń ǵumyry jas­tar­ǵa úlgi-ónege ekenin aıtyp, 90-ǵa tolsa da qatar­dan qal­­maı, qalamymen oqyr­manda­­­ryn qýantyp otyrǵanyna rıza­shy­lyǵyn bildiripti.

Toqsanǵa tolǵan abyz aqsa­qaldy quttyqtaýǵa elimizdiń túkpir-túkpirinen inileri men týys­tary, «Samuryq-Qazyna» UÁK tór­aǵasynyń orynbasary Serik Ábdenov, oblystyq aqsa­qal­dar alqasynyń tóraǵasy F.Jaq­sylyqov, senator T.Abaıdildın, Katonqaraǵaı, Kúrshim aýdan­da­rynyń el basqarǵan azamattary, inileri júrekjardy lebizderin bildirdi. Boshaı aǵa ózine qurmet kórsetken Elbasyna, óńir basshysyna alǵysyn aıtty.

Ońdasyn ELÝBAI,

«Egemen Qazaqstan».

О́SKEMEN.