Jyl saıyn dástúrli túrde tamyz aıynyń úshinshi jeksenbisinde dene shynyqtyrý qyzmetkerleriniń kásibı merekesi – Sport kúni atap ótiledi. Bıyl atalmysh mereke 17-18 tamyzda merekelenedi. Elordada sport merekesine oraılastyrylǵan birqatar is-shara ótedi, dep habarlady Astana qalasynyń Týrızm, dene shynyqtyrý jáne sport basqarmasy.
Jyl saıyn dástúrli túrde tamyz aıynyń úshinshi jeksenbisinde dene shynyqtyrý qyzmetkerleriniń kásibı merekesi – Sport kúni atap ótiledi. Bıyl atalmysh mereke 17-18 tamyzda merekelenedi. Elordada sport merekesine oraılastyrylǵan birqatar is-shara ótedi, dep habarlady Astana qalasynyń Týrızm, dene shynyqtyrý jáne sport basqarmasy.
Is-sharalar josparyna sáıkes, áýeli 2001-2002 jyldary týǵan balalar arasynda jeńil atletıkadan, estafeta men fýtbol jarysy uıymdastyrylady. Sodan keıin shahmattan blıs-týrnır, ústel tennısinen, jaǵajaı voleıbolynan, shaǵyn fýtbol men strıtboldan jarystar jáne «Astana EKSPO-2017» velojarysy ótkiziledi.
17 tamyzda Astanada «О́mir energııasynan qýat al!» fýnksıonaldyq jattyǵýy, «Báıterek» monýmentiniń aldynda «Astana EKSPO -2017» velojarysy ótedi. Sonymen birge, 800 metr qashyqtyqqa jáne 2400 metr qashyqtyqqa «Prezıdenttik mıl» dástúrli jappaı buqaralyq júgirý jarystary uıymdastyrylady. Sportshylar Aqmeshit, Qonaev kósheleri, Kólik jáne kommýnıkasııa mınıstrliginiń aldyndaǵy ótkel men Dostyq kóshesi arqyly ótedi. Máre syzyǵy Aqmeshit kóshesinde ornalasqan. Jarys sońynda jeńimpazdardy saltanatty marapattaý rásimi ótedi.
Sonymen qatar, Astananyń kishkentaı turǵyndarynyń sporttyq demalysyn uıymdastyrýǵa arnalǵan birqatar is-sharalar josparlanǵan. Sport kúnin atap ótý aıasynda jetim jáne ata-anasynyń qamqorlyǵynsyz qalǵan 50 balaǵa arnalǵan «Ashyq esik» kúni uıymdastyrylady. Balalar úshin ústel tennısinen jattyǵýlar men fýtboldan týrnır ótkiziledi. Budan basqa, tegin trenajer zaly men basseın usynylady. Sondaı-aq, aýla klýbtaryna baratyn jasóspirimder úshin shaǵyn fýtboldan, júgirýden jartasqa órmeleýden jarystar uıymdastyrylyp, «Jiger» sport klýby jattyqtyrýshylarynyń sheberlik synyptary ótedi.
Sporttyq is-sharalar jasóspirimder arasyndaǵy bokstan matchtyq kezdesýlermen, jelkendi sporttan, akademııalyq esýden, baıdarka jáne kanoemen esýden Astana qalasynyń ashyq birinshiligimen aıaqtalady. Budan basqa, otandyq sportty damytýdyń máseleleri men perspektıvalary talqylanatyn dóńgelek ústel uıymdastyrylady.
J.SÁDÝAQASOV.