Sondyqtan, óńirde sý tasqynyna qarsy daıyndyq sharalary bastaldy.
Respýblıkalyq oqý-jattyǵýlary barysynda oblys ortalyǵyna qarasty Kenjekól aýylynda Jedel áreket etý jasaǵy, Tótenshe jaǵdaılar departamenti qardan tazalaý jáne sý sorý tehnıkalarynyń daıyndyǵyn tekserdi.
Sondaı-aq oblystyń qalalary men aýdandarynda ótkiziledi. Jeke quramnan 600-den astam adam men 300-ge jýyq tehnıka jumyldyryldy. Aldyna ala ınertti materıaldar men qaptar daıyndalýda.
Departamenttiń daǵdarys ortalyǵynda, sondaı-aq qalalyq jáne aýdandyq ákimdikterde jedel shtabtar qurylǵan.
Qazir sý tasqynyna qarsy jumystar barlyq aýdandar men qalalarda júrgizilýde. О́ńirde 31 aýylda sý basý qaýpi bar.
Al, «Kóktem - 2020» oqý jattyǵý sharalarynyń daıyndyq sheńberinde «Ertis ózenindegi sý deńgeıiniń kóterilýine baılanysty Kenjekól aýyly Ábdikov kóshesi boıyndaǵy 40 turǵyn úıdi sý basý qaýpi týyndady» degen habar kelip tústi.
Tótenshe jaǵdaılardy joıý josparyna sáıkes jedel kezekshi shuǵyl túrde qalanyń jáne aýyl ákimine habarlady.
Qala ákiminiń tapsyrmasy boıynsha TJ joıý jónindegi jedel shtab qurylyp, qalanyń azamattyq qorǵaý qyzmetteri habarlandyryldy.
Jattyǵý is-sharalardy ótkizý barysynda Kenjekól aýylynyń ákimdigi turǵyndardy evakýasııalaý qajettiligi men qaýip-qateri týraly habardar etti.
Oblystyń TJ Departamentiniń málimetinshe, 7 birlik, qalalyq bólimnen 2 birlik, barlyǵy 19 birlik tehnıka jáne jeke quramnan 40 adam tartyldy.
Evakýasııalanǵan halyqty qabyldaý úshin aýyl ákimdigi evakýasııalyq jınaý pýnkti, aýyldyń Mádenıet úıinde ystyq tamaqpen qamtamasyz etetin, 200 tósek-orynǵa turǵyndardy ýaqytsha ornalastyrý pýnkti ashyldy.
Sý basý yqtımal jerlerge 140 tonna ınertti materıal (qum) jetkizildi. 1500 tonna ınertti materıal (qum), 1000 dana qaptar, 5000 lıtr JJM jáne 2700 lıtr dızel otyny qory bar.
Sý tasqynyna oqý-jattyǵý daıyndyq kezinde Kenjekól aýylynyń kóshelerinen 400 tonna qar shyǵaryldy jáne 5 sý ótkizý qubyrlaryn tazalaý júrgizildi.
Pavlodar oblysy